ന്യൂഡൽഹി: പരീക്ഷയെഴുതുന്നവരുടെ ഐഡന്റിറ്റി ഉറപ്പുവരുത്താന്‍ എല്ലാ പരീക്ഷകളിലും ആധാർ അടിസ്ഥാനമാക്കിയുള്ള ബയോമെട്രിക് പരിശോധന നടപ്പാക്കുമെന്ന് സ്റ്റാഫ് സെലക്ഷൻ കമീഷൻ (എസ്.എസ്.സി). അടുത്ത മാസം മുതലുള്ള റിക്രൂട്ട്മെന്റ് പരീക്ഷകളിൽ നടപടി നിലവില്‍ വരും.
വിവിധ കേന്ദ്ര മന്ത്രാലയങ്ങളിലും വകുപ്പുകളിലും ഗസറ്റഡ് അല്ലാത്ത തസ്തികകളിലേക്കുള്ള തിരഞ്ഞെടുപ്പ് നടത്താൻ ചുമതലയുള്ള ഏറ്റവും വലിയ റിക്രൂട്ട്മെന്റ് ഏജൻസികളിൽ ഒന്നാണ് എസ്.എസ്.സി.
ഓൺലൈൻ രജിസ്ട്രേഷൻ സമയത്തും, പരീക്ഷകൾക്ക് ഓൺലൈൻ അപേക്ഷാ ഫോറം പൂരിപ്പിക്കുമ്പോഴും, 2025 മേയ് മുതൽ കമീഷൻ നടത്തുന്ന എഴുത്തുപരീക്ഷ കേന്ദ്രത്തിൽ ഹാജരാകുമ്പോഴും ഉദ്യോഗാർഥികൾക്ക് ആധാർ ഉപയോഗിച്ച് സ്വയം സാക്ഷ്യപ്പെടുത്താം. ആധാർ അടിസ്ഥാനമാക്കിയുള്ള ആധികാരികത ഉറപ്പാക്കൽ ആൾമാറാട്ടം അടക്കമുള്ളവ തടയാൻ സഹായിക്കുമെന്ന് എസ്.എസ്.സി ഉദ്യോഗസ്ഥർ പറഞ്ഞു.
<BR>
TAGS : EXAMINATIONS
SUMMARY : To prevent fraud; Aadhaar Verification for SSC Exams
