ദുബായ്: ഇന്ത്യ ചാമ്പ്യന്സ് ട്രോഫി ക്രിക്കറ്റിന്റെ ഫൈനലില്. സെമിയില് ഓസ്ട്രേലിയയെ നാലു വിക്കറ്റിന് കീഴടക്കിയാണ് ഇന്ത്യയുടെ ഫൈനല് പ്രവേശനം. ഓസീസ് ഉയര്ത്തിയ 265 റണ്സ് വിജയലക്ഷ്യം 48.1 ഓവറില് ആറു വിക്കറ്റ് നഷ്ടത്തില് ഇന്ത്യ മറികടന്നു.
ന്യൂസീലന്ഡ് – ദക്ഷിണാഫ്രിക്ക രണ്ടാം സെമി ഫൈനല് വിജയികളെ ഞായറാഴ്ച നടക്കുന്ന ഫൈനലില് ഇന്ത്യ നേരിടും. വിരാട് കോലി ഒരിക്കല് കൂടി തന്റെ വിജയ ഫോം വെളിപ്പെടുത്തിയ മത്സരത്തില് ശ്രേയസ് അയ്യര്, കെ.എല് രാഹുല്, ഹാര്ദിക് പാണ്ഡ്യ എന്നിവരുടെ ഇന്നിങ്സുകളും നിര്ണായകമായി. 98 പന്തില് നിന്ന് അഞ്ച് ഫോറടക്കം 84 റണ്സെടുത്ത കോലിയാണ് ടീം ഇന്ത്യയുടെ ടോപ് സ്കോറര്.
2023ലെ ഏകദിന ലോകകപ്പ് ഫൈനല് തോല്വിക്കുള്ള ഇന്ത്യയുടെ മധുരപ്രതികാരം കൂടിയായി ഈ വിജയം.
<BR>
TAGS : CHAMPIONS TROPHY
SUMMARY : India beat Australia to reach Champions Trophy final
