ഡല്‍ഹി മദ്യനയ അഴിമതിക്കേസില്‍ ഇ.ഡി. ജയിലിലാക്കിയ ഡല്‍ഹി മുഖ്യമന്ത്രി അരവിന്ദ് കെജ്രിവാളിന് സുപ്രീംകോടതി ജാമ്യം നല്‍കി. ജൂണ്‍ ഒന്ന് വരെയാണ് ജാമ്യം നല്‍കിയിരിക്കുന്നത്. കർശന ജാമ്യ വ്യവസ്ഥകളോടെ നിരവധി ഉപാധികളും ഇടക്കാല ജാമ്യത്തില്‍ നിലനില്‍ക്കുന്നു.
ജൂണ്‍ 1 വരെ കെജ്രിവാളിന് തിരഞ്ഞെടുപ്പുമായി ബന്ധപ്പെട്ട പ്രചരണ പരിപാടികളില്‍ പങ്കെടുക്കാം. ജൂണ്‍ 2 ന് ജയിലിലേക്ക് മടങ്ങേണ്ടിയും വരും. തിരഞ്ഞെടുപ്പ് ഫലം വരുന്നത് വരെ ജാമ്യം അനുവദിക്കണമെന്നാണ് അഭിഭാഷകന്‍ അനു അഭിഷേക് സ്വിംഗ്‌വി കോടതിയില്‍ വാദിച്ചത്. എന്നാല്‍ തിരഞ്ഞെടുപ്പ് പ്രചരണത്തില്‍ പങ്കെടുക്കുക എന്നത് ഒരു പൗരന്റെ മൗലീകാവകാശം അല്ലെന്ന് ഇ.ഡി. കോടതിയില്‍ ആവശ്യപ്പെട്ടെങ്കിലും കോടതി അത് പരിഗണിച്ചില്ല.
ജൂണ്‍ 1 നാണ് തിരഞ്ഞെടുപ്പ് അവസാനിക്കുക. ഡല്‍ഹിയിലെ തിരഞ്ഞെടുപ്പ് മെയ് അവസാനമാണ്. മാർച്ച്‌ 21 നാണ് ഡല്‍ഹി മദ്യനയ കേസില്‍ കെജ്രിവാളിനെ അദ്ദേഹത്തിൻ്റെ ഔദ്യോഗിക വസതിയില്‍ നിന്നും ഇഡി അറസ്റ്റ് ചെയ്തത്. ഈ അഴിമതിക്ക് പിന്നിലെ രാജാവ് അദ്ദേഹമാണെന്നും മദ്യവ്യവസായികളില്‍ നിന്ന് അഴിമതി ആവശ്യപ്പെടുന്നതില്‍ നേരിട്ട് പങ്കെടുത്തതായും കേന്ദ്ര അന്വേഷണ ഏജൻസി ആരോപിച്ചു.
