സ്ററോക്ക്ഹോം: ഈ വർഷത്തെ നൊബേല്‍ സമ്മാന വാരത്തിന് സ്വീഡനിലെ സ്റ്റോക്ക്ഹോമില്‍ തുടക്കമായി. കാള്‍ ഡീസറോത്ത്, പീറ്റർ ഹെഗെമാൻ, ജോർജ് നാഗല്‍ എന്നിവർക്കാണ് ഇത്തവണത്തെ വൈദ്യശാസ്ത്രത്തിനുള്ള നൊബേല്‍ പുരസ്കാരം. തിങ്കളാഴ്ച ഉച്ചയ്ക്ക് മൂന്നിന് സ്റ്റോക്ക്ഹോമിലെ കരോലിൻസ്ക ഇൻസ്റ്റിറ്റ്യൂട്ടിലാണ് പുരസ്കാരം പ്രഖ്യാപിച്ചത്.
ജീവനുള്ള മസ്തിഷ്‌കത്തിലെ വ്യക്തിഗത നാഡീകോശങ്ങളുടെ പ്രവർത്തനം ഓണാക്കാനും ഓഫാക്കാനും സാധ്യമാക്കുന്ന ‘ഒപ്റ്റോജനെറ്റിക്സ്’ സാങ്കേതികവിദ്യയിലേക്ക് നയിച്ച കണ്ടെത്തലുകള്‍ക്കാണ് പുരസ്കാരം. അമെരിക്കക്കാരനായ ന്യൂറോ സയന്‍റിസ്റ്റും ഡോക്റ്ററുമാണ് കാള്‍ ഡീസറോത്ത്. ജർമൻകാരനായ ന്യൂറോസയൻസ് പ്രൊഫസറാണ് പീറ്റർ ഹെഗെമാൻ. ജർമൻകാരൻ തന്നെയായ ന്യൂറോസൈക്കോളജി പ്രൊഫസറാണ് ജോർജ് നാഗല്‍.
ചൊവ്വാഴ്ച ഭൗതികശാസ്ത്ര നൊബേലും ബുധനാഴ്ച രസതന്ത്ര നൊബേലും വ്യാഴാഴ്ച സാഹിത്യ നൊബേലും പ്രഖ്യാപിക്കും. വെള്ളിയാഴ്ച സമാധാന നൊബേല്‍ പ്രഖ്യാപിക്കും. സാമ്പത്തിക ശാസ്ത്രത്തിനുള്ള നൊബേല്‍ പുരസ്കാരം ഒക്റ്റോബർ 12ന് പ്രഖ്യാപിക്കും. ഈ വർഷത്തെ സമ്മാനത്തുക 12 ദശലക്ഷം സ്വീഡിഷ് ക്രോണയാണ്. ഏകദേശം 1.2 ദശലക്ഷം യുഎസ് ഡോളറിന് തുല്യമാണിത്. വ്യക്തിക്കോ ചെറിയ സംഘത്തിനോ സംഘടനയ്ക്കോ ഈ തുക ലഭിക്കും.
SUMMARY: Nobel Prize in Medicine awarded to three scientists
