കൊൽക്കത്ത: പശ്ചിമബംഗാളിലെ ഹൗറയിൽ ട്രെയിന് പാളംതെറ്റി. സെക്കന്തരാബാദ്-ഷാലിമാർ സൂപ്പർഫാസ്റ്റ് എക്സ്പ്രസിന്റെ നാല് കോച്ചുകളാണ് പാളംതെറ്റിയത്. ശനിയാഴ്ച രാവിലെയാണ് സംഭവം. വീക്ക്ലി ട്രെയിനായ സെക്കന്തരാബാദ്-ഷാലിമാർ എക്സ്പ്രസ് 40 കിലോ മീറ്റർ വേഗതയിൽ സഞ്ചരിക്കുന്നതിനിടെ നാൽപൂരിൽ വെച്ചാണ് പാളം തെറ്റിയത്.
പാളം തെറ്റിയ നാല് കോച്ചുകളില് ഒരു പാഴ്സല് വാനും ഉള്പ്പെടുന്നു. ആളപായമോ പരുക്കോ ഇതുവരെ റിപ്പോര്ട്ട് ചെയ്തിട്ടില്ലെന്ന് സൗത്ത് ഈസ്റ്റേണ് റെയില്വേ അധികൃതര് സ്ഥിരീകരിച്ചു. ട്രെയിൻ പാളംതെറ്റിയതിന് പിന്നാലെ ആക്സിഡന്റ് റിലീഫ് വാനും മെഡിക്കൽ റിലീഫ് ട്രെയിനും സാന്ദ്രാഗച്ചിയിൽ നിന്നും ഖരാഖ്പൂരിൽ നിന്നുമെത്തി. യാത്രക്കിടെ വഴിയിൽ കുടുങ്ങിയവരെ വിവിധ സ്ഥലങ്ങളിൽ എത്തിക്കാൻ റെയില്വേ ബസുകളും തയാറാക്കിയിട്ടുണ്ട്.
<BR>
TAGS : TRAIN DERAILED | RAILWAY
SUMMARY : Train derailed in West Bengal
