ബെംഗളൂരു: ഫാക്ടറിയിൽ രാസവസ്തു നിറച്ച ബക്കറ്റിൽ വീണ് ഗുരുതരമായി പരിക്കേറ്റ രണ്ടു വയസ്സുകാരൻ ചികിത്സയ്ക്കിടെ മരിച്ചു. ആർ. സുബ്രമണി എന്ന കുട്ടിയാണ് മരിച്ചത്. ശ്രീരാംപുരയിലാണ് ദാരുണമായ സംഭവം.
നവംബർ രണ്ടിനാണ് അപകടമുണ്ടായത്. ഫാക്ടറി പരിസരത്തുണ്ടായിരുന്ന കുട്ടി രാസവസ്തു നിറച്ച ബക്കറ്റിലേക്ക് വീഴുകയായിരുന്നു. ഗുരുതരമായി പരിക്കേറ്റ കുട്ടിയെ ഉടൻ ആശുപത്രിയിൽ പ്രവേശിപ്പിച്ചു. ദിവസങ്ങളോളം ചികിത്സയിൽ കഴിഞ്ഞെങ്കിലും ജീവൻ രക്ഷിക്കാനായില്ല.
സംഭവത്തെക്കുറിച്ച് വിവരം ലഭിച്ചതിനെത്തുടർന്ന് പോലീസ് അന്വേഷണം ആരംഭിച്ചു. ഫാക്ടറി പരിസരത്ത് കുട്ടിയുടെ സുരക്ഷ ഉറപ്പാക്കാനുള്ള ക്രമീകരണങ്ങൾ ഉണ്ടായിരുന്നോ, അപകടത്തിന് കാരണമായ സാഹചര്യങ്ങൾ എന്തൊക്കെയായിരുന്നു തുടങ്ങിയ കാര്യങ്ങളാണ് പരിശോധിക്കുന്നത്.
ഫാക്ടറി അധികൃതരുടെ ഭാഗത്ത് സുരക്ഷാവീഴ്ചയുണ്ടായിട്ടുണ്ടോ എന്നതും അന്വേഷണത്തിന്റെ പരിധിയിലുണ്ട്. സംഭവവുമായി ബന്ധപ്പെട്ടു അറസ്റ്റൊന്നും നടന്നിട്ടില്ല. കൂടുതൽ വിവരങ്ങൾ പോലീസ് ശേഖരിച്ചുവരികയാണ്.
SUMMARY: A two-year-old boy died after falling into a bucket filled with chemicals at a factory.
