ബെംഗളൂരു: ബുർഖ ധരിച്ച് വനിതാ ഹോസ്റ്റലിൽ കയറിയ യുവാവ് പോലീസ് പിടിയിൽ. വ്യാഴാഴ്ച രാത്രി ബെംഗളൂരു യൂണിവേഴ്സിറ്റിയിലെ ജ്ഞാനഭാരതി കാമ്പസിലാണ് സംഭവം. ക്യാമ്പസിനകത്തെ രമാഭായ് വനിതാ ഹോസ്റ്റലിലാണ് ഇയാൾ കയറിയത്.
പെൺകുട്ടികളിലൊരാൾ യുവാവിനെ കണ്ട് നിലവിളിച്ചതോടെയാണ് വിവരം പുറത്തായത്. ഉടൻ ഹോസ്റ്റൽ അധികൃതർ യുവാവിനെ പിടികൂടി പോലീസിനെ ഏൽപ്പിച്ചു. ക്യാമ്പസിൽ തന്നെ പഠിക്കുന്നയാളാണ് പിടിയിലായതെന്ന് പോലീസ് പറഞ്ഞു. എന്നാൽ ഇയാൾ ഹോസ്റ്റലിൽ കയറിയത് എന്തിനാണെന്ന് വ്യക്തമല്ല. സംഭവത്തിൽ അന്വേഷണം പുരോഗമിക്കുകയാണെന്ന് പോലീസ് പറഞ്ഞു.
TAGS: ARREST | BENGALURU
SUMMARY: Man arrested for entering womens hostel in burkha
