കണ്ണൂര്: മെഡിക്കല് ഷോപ്പില് നിന്നും മാറി നല്കിയ മരുന്ന് കഴിച്ച് എട്ട് മാസം പ്രായമായ കുഞ്ഞ് ഗുരുതരാവസ്ഥയിലെന്ന് പരാതി. ഡോക്ടർ കുറിച്ച് നല്കിയ മരുന്നിന് പകരം മറ്റൊരു മരുന്ന് അമിത ഡോസില് നല്കിയെന്നാണ് വിവരം. കുട്ടിയുടെ കരളിന്റെ പ്രവര്ത്തനത്തെ ബാധിച്ചെന്ന് ഡോക്ടര്മാര് പറഞ്ഞു. സംഭവത്തില് പഴയങ്ങാടി ഖദീജ മെഡിക്കല്സിനെതിരെ പോലീസ് കേസെടുത്തു.
പഴയങ്ങാടി സ്വദേശി സമീറിന്റെ ആൺകുഞ്ഞാണ് ഗുരുതരാവസ്ഥയിൽ ചികിത്സയിലുള്ളത്. പനിക്കുള്ള സിറപ്പാണ് ഡോക്ടർ നിർദ്ദേശിച്ചത്. ഇത് കുറിപ്പടിയിൽ വ്യക്തമായി എഴുതിയിട്ടുമുണ്ടായിരുന്നു. എന്നാൽ മെഡിക്കൽ ഷോപ്പുകാർ നൽകിയതാകട്ടെ ഡ്രോപ്സും. മരുന്ന് മാറിയത് തിരിച്ചറിയാതെ രക്ഷിതാക്കൾ സിറപ്പ് നൽകാൻ നിർദ്ദേശിച്ച അതേ അളവിൽ ഡ്രോപ്സ് നൽകുകയും ചെയ്തു. മരുന്ന് നൽകി അല്പം കഴിഞ്ഞതോടെ കുഞ്ഞിന്റെ ആരോഗ്യനില വഷളായി. തുടർന്ന് കുറിപ്പടി എഴുതി നൽകിയ ഡോക്ടറെ ബന്ധപ്പെട്ടപ്പോഴാണ് മരുന്ന് മാറിയ വിവരം അറിയുന്നത്. കുട്ടിയുടെ കരളിനാണ് രോഗം ബാധിച്ചിരിക്കുന്നത്. മാർച്ച് 8 നാണ് പനിയെ തുടർന്ന് കുഞ്ഞ് ചികിത്സ തേടിയത്.
<BR>
TAGS : CASE REGISTERED | KANNUR NEWS
SUMMARY : The baby is in critical condition after taking the wrong medicine; Case against medical shop
