ബെംഗളൂരു: വയനാട് പുനരധിവാസത്തിനായി ഹൊസ്‌പേട്ട് കൈരളി കള്‍ച്ചറല്‍ അസോസിയേഷന്റെ നേതൃത്വത്തില്‍ സമാഹരിച്ച രണ്ടു ലക്ഷം രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് ബെംഗളൂരു നോര്‍ക്ക വഴി കൈമാറി. സംഘടനയുടെ നേതൃത്വത്തില്‍ ഹൊസ്‌പേട്ടില്‍ സംഘടിപ്പിച്ച വയനാട് ദുരന്തത്തില്‍ ജീവന്‍ നഷ്ടപ്പെട്ടവര്‍ക്ക് ആദരാഞ്ജലികള്‍ അര്‍പ്പിച്ച ചടങ്ങില്‍ എക്‌സിക്യൂട്ടീവ് കമ്മിറ്റി മെമ്പര്‍ ദേവദാസ്, വൈസ് പ്രസിഡന്റ് ജോയ്, പ്രസിഡന്റ് എം കെ മത്തായി, സാമൂഹിക പ്രവര്‍ത്തകന്‍ ദീപക് സിംഗ്, കവി ഡോ. മോഹന്‍ കുണ്ടാര്‍, ജനറല്‍ സെക്രട്ടറി പി സുന്ദരന്‍, ടോര്‍ണഗല്ലു മലയാളി അസോസിയേഷന്‍ സെക്രട്ടറി ഗോപകുമാര്‍ എന്നിവര്‍ ചേര്‍ന്ന് തുക ബെംഗളൂരു നോര്‍ക്ക ഓഫീസര്‍ റീസ രഞ്ജിത്തിനു കൈമാറി.
2006 ല്‍ പ്രവര്‍ത്തനം ആരംഭിച്ച ഹൊസ്‌പേട്ട് കൈരളി കള്‍ച്ചറല്‍ അസോസിയേഷന്‍ കര്‍ണാടകയില്‍ നിന്നും നോര്‍ക്ക അംഗീകാരം ലഭിച്ച ആദ്യത്തെ മലയാളീ സംഘടനയാണ്. നിലവില്‍ 350 മലയാളി കുടുംബങ്ങള്‍ അംഗങ്ങളായിട്ടുണ്ട്.
<BR>
TAGS : WAYANAD LANDSLIDE | CMDRF
