ബെംഗളൂരു: സിബിഎസ്ഇ പത്ത്, പന്ത്രണ്ട് ക്ലാസ് പരീക്ഷകളുടെ ഫലം പുറത്തുവന്നപ്പോൾ മികച്ച വിജയം സ്വന്തമാക്കി ബെംഗളൂരുവിലെ മലയാളി സ്കൂളുകള്. കേരളസമാജം ദൂരവാണിനഗര് ജൂബിലി ഇംഗ്ലീഷ് ഹൈസ്കൂള്, വിമാനപുര കൈരളീ കലാസമിതിയുടെ കീഴിലുള്ള കൈരളീ സെന്ട്രല് സ്കൂള്, ശ്രീ അയ്യപ്പ എജുക്കേഷൻ സെന്റർ ആൻഡ് ചാരിറ്റബിൾ ട്രസ്റ്റിന് കീഴിലുള്ള അയ്യപ്പ സ്കൂള് എന്നിവയാണ് നൂറു മേനി കൊയ്തത്.
ജൂബിലി ഇംഗ്ലീഷ് ഹൈസ്കൂള്: സിബിഎസ്ഇ പത്താം ക്ലാസ് പരീക്ഷയിൽ നൂറുശതമാനം വിജയം. 30 ഡിസ്റ്റിങ്ഷൻ, 28 ഫസ്റ്റ് ക്ലാസ്, 10 സെക്കൻഡ് ക്ലാസ്, 3 തേർഡ് ക്ലാസ് എന്നിവ കരസ്ഥമാക്കി. 96 ശതമാനം മാർക്കോടെ ശ്രീയ മുരളീധരൻ ഒന്നാം സ്ഥാനത്തെത്തി. 94.6 ശതമാനം മാർക്ക് വാങ്ങി മൗബോനി റോയ് രണ്ടാംസ്ഥാനവും 93 ശതമാനം മാർക്കോടെ സി. സമീക്ഷ മൂന്നാംസ്ഥാനവും നേടി.
കൈരളീ നിലയം സെൻട്രൽ സ്കൂള്: തുടർച്ചയായ 13-ാം വർഷവും നൂറുമേനി വിജയം നേടിയ സ്കൂളില് പരീക്ഷ എഴുതിയ 72 വിദ്യാർഥികളിൽ 42 വിദ്യാർഥികൾക്ക് ഡിസ്റ്റിങ്ഷനും 30 വിദ്യാർഥികൾക്ക് ഫസ്റ്റ് ക്ലാസും ലഭിച്ചു. എം. ഭുവിക (96ശതമാനം) ഒന്നാംസ്ഥാനവും റെയ്മണ്ട് ലൂയിസ് ഡിസിൽവ (95.4 ശതമാനം) രണ്ടാം സ്ഥാനവും സി. യുക്ത മോഹന (94 ശതമാനം)മൂന്നാം സ്ഥാനവും നേടി.
അയ്യപ്പ സ്കൂള്: 157 കുട്ടികൾ പരീക്ഷയെഴുതിയതിൽ 79 പേർക്ക് ഡിസ്റ്റിങ്ഷനും 45 പേർക്ക് ഫസ്റ്റ് ക്ലാസും 27 പേർക്ക് സെക്കൻഡ് ക്ലാസും ആറു പേർക്ക് തേഡ് ക്ലാസും ലഭിച്ചു. 98.6 ശതമാനം മാർക്കുനേടിയ ടി.എസ്.ശ്രേയ ഒന്നാം സ്ഥാനവും 95.2 ശതമാനം മാർക്ക് നേടിയ എൻ.ആകാശ് രണ്ടാം സ്ഥാനവും 94.8 ശതമാനം മാർക്ക് നേടിയ എരുപൊത്തു തനുശ്രീ മൂന്നാം സ്ഥാനവും കരസ്ഥമാക്കി.
അതേസമയം സംസ്ഥാനത്ത് സിബിഎസ്ഇ പത്താംക്ലാസ് പരീക്ഷയിൽ പരീക്ഷയെഴുതിയ 98.90 ശതമാനം കുട്ടികൾ വിജയിച്ചു. പന്ത്രണ്ടാംക്ലാസ് പരീക്ഷയിൽ 95.95 ശതമാനമാണ് വിജയം.
“<BR>
TAGS : CBSE RESULT
SUMMARY : CBSE exam results: Malayali schools achieve 100 percent success
