ബെംഗളൂരു: ഇന്ത്യാ പെന്തെകൊസ്ത് ദൈവസഭ (ഐപിസി) ബെംഗളൂരു സെൻ്റർ വൺ വാർഷിക കൺവൻഷൻ ആരംഭിച്ചു. ഐപിസി സംസ്ഥാന പ്രസിഡൻ്റ് പാസ്റ്റർ ഡോ. വർഗീസ് ഫിലിപ്പ് ഉദ്ഘാടനം ചെയ്തു. വിശ്വാസികൾ ദൈവവചനത്തിലൂന്നിയ സ്വഭാവമഹിമയ്ക്കു പ്രാധാന്യം നൽകണമെന്നു ഡോ. വർഗീസ് ഫിലിപ്പ് പ്രസ്താവിച്ചു.
ദൈവസ്നേഹത്തിനും സ്വഭാവ രൂപവത്കരണത്തിനും പ്രാധാന്യം നൽകിയാലേ പുതുതലമുറയെ നമുക്കു സ്വാധീനിക്കാനാകൂ എന്നും അദ്ദേഹം ഉദ്ഘാടന പ്രസംഗത്തിൽ പറഞ്ഞു.പാസ്റ്ർ സി.വി. ചാക്കോ അധ്യക്ഷത വഹിച്ചു. പാസ്റ്റർ കെ.കെ. മാത്യൂ നിലമ്പൂർ മുഖ്യ സന്ദേശം നൽകി.
ഹൊറമാവ് അഗര ഐപിസി ഹെഡ്ക്വാർട്ടേഴ്സ് ഓഡിറ്റോറിയത്തിൽ നടക്കുന്ന കൺവെൻഷനിൽ ഇന്ന് മുതൽ
ദിവസവും വൈകിട്ട് 6 മുതൽ സംഗീത ശുശ്രൂഷയും സുവിശേഷയോഗവും നടക്കും. ഇന്ന് രാവിലെ 10 ന് ഉപവാസ പ്രാർഥന ഉച്ചയ്ക്ക് 2.30 മുതൽ സോദരി സമാജം സമ്മേളനം നാളെ രാവിലെ 10 മുതൽ യുവജനങ്ങൾക്കായി പ്രത്യേക ഉണർവ് യോഗം ഉച്ചയ്ക്ക് 2.30 ന് സൺഡെസ്കൂൾ പി.വൈ.പി.എ വാർഷിക സമ്മേളനവും നടക്കും .
പാസ്റ്റർമാരായ ബിമോനച്ചൻ കായംകുളം , ഡോ. ഡോ. എബി പീറ്റർ കോട്ടയം
എന്നിവർ പ്രസംഗിക്കും. ക്രിസ്തീയ ഗായകൻ ബ്രദർ. റ്റിബിൻ തങ്കച്ചനൊടൊപ്പം ഡിസ്ട്രിക്റ്റ് പി വൈ പി എ ക്വയർ ഗാനശുശ്രൂഷ നിർവഹിക്കും.
സമാപന ദിവസമായ ഞായറാഴ്ച രാവിലെ 9 ന് ബെംഗളുരു സെന്റർ വൺ ഐ പി സി യുടെ കീഴിലുള്ള 23 പ്രാദേശിക സഭകളിലെ ശുശ്രൂഷകരും വിശ്വാസികളും പങ്കെടുക്കുന്ന സംയുക്ത ആരാധനയും തിരുവത്താഴ ശുശ്രൂഷയും നടക്കും. തിരുവത്താഴ ശുശ്രൂഷയ്ക്ക് പാസ്റ്റർ.ഡോ.വർഗീസ് ഫിലിപ്പ് നേതൃത്വം നൽകും. ഞായറാഴ്ച ഉച്ചയോടെ കൺവൻഷൻ സമാപിക്കും.
SUMMARY: The IPC Bengaluru Center One annual convention has begun.
