തിരുവനന്തപുരം: കേരളത്തിൽ സ്വര്ണവിലയില് വന് വര്ധനവ്. 22 കാരറ്റ് സ്വര്ണത്തിന് ഗ്രാമിന് 15 രൂപയും പവന് 120 രൂപയുമാണ് കൂടിയത്. 22 കാരറ്റ് സ്വര്ണത്തിന് ഗ്രാമിന് 7945 രൂപയിലും പവന് 63560 രൂപയിലുമാണ് വ്യാപാരം നടക്കുന്നത്.
18 കാരറ്റ് സ്വര്ണത്തിന് ഗ്രാമിന് 10 രൂപയും പവന് 80 രൂപയിലാണ് കൂടിയത്. 18 കാരറ്റ് സ്വര്ണത്തിന് ഗ്രാമിന് 6560 രൂപയിലും പവന് 52480 രൂപയിലുമാണ് വ്യാപാരം പുരോഗമിക്കുന്നത്. അതേസമയം വെള്ളി നിരക്കില് മാറ്റമില്ല. ഒരു ഗ്രാം സാധാരണ വെള്ളിക്ക് 106 രൂപയിലാണ് വ്യാപാരം നടക്കുന്നത്.
ആഗോള വിപണിയില് വില കുതിക്കുന്ന പശ്ചാത്തലത്തിലാണ് കേരളത്തിലും വില കൂടുന്നത്. രാജ്യാന്തര വിപണിയിലെ അനിശ്ചിതത്വം സ്വര്ണവിലയെ സ്വാധീനിക്കുന്നതായാണ് വിദഗ്ധരുടെ വിലയിരുത്തല്. കഴിഞ്ഞ മാസത്തിന്റെ തുടക്കത്തില് 57,200 രൂപയായിരുന്നു സ്വര്ണവില. ജനുവരി 22നാണ് പവന് 60,000 കടന്നത്.
TAGS : GOLD RATES
SUMMARY : Gold rate is increased
