സ്വര്‍ണ വിലയില്‍ വീണ്ടും വർധനവ്

തിരുവനന്തപുരം: കേരളത്തിൽ സ്വര്‍ണ വിലയില്‍ ഇന്നും മുന്നേറ്റം. ഗ്രാം വില 35 രൂപ വര്‍ധിച്ച്‌ 7,260 രൂപയും പവന്‍ വില 280 രൂപ ഉയര്‍ന്ന് 58,080 രൂപയുമായി. 18 കാരറ്റിന് ഒരു ഗ്രാമിന് 5940 രൂപയും പവന് 47,520 രൂപയുമാണ്. രാജ്യാന്തര വിപണിയിലെ ചാഞ്ചാട്ടമാണ് കേരളത്തിലെ സ്വർണ വിലയേയും ബാധിക്കുന്നത്. ഇന്നത് രാജ്യാന്തര വില ഔണ്‍സിന് 2659 ലേക്ക് എത്തി. ഇന്നലെ 2647ലായിരുന്നു.

നേരിയ കുതിപ്പാണെങ്കിലും കേരളത്തില്‍ അത് ശക്തമായി അലയടിച്ചു. അടിസ്ഥാന പലിശ നിരക്ക് കുറക്കില്ലെന്നാണ് യു.എസ് കേന്ദ്ര ബാങ്ക് വ്യക്തമാക്കിയത്. അതിനാല്‍ ഇപ്പോള്‍ ഡോളറും ബോണ്ടും മുന്നേറുന്നതിനാല്‍ സ്വർണ വിലയില്‍ ചാഞ്ചാട്ടം പ്രകടമാവുന്നു.

2024 ജനുവരിയില്‍ സ്വർണ വില 46000ല്‍ ആയിരുന്നു. 2024 ജനുവരി 9ന് 46,160 എന്ന കുറഞ്ഞ വില നിരക്കായിരുന്നു. അതായത് കൃത്യം 1 വർഷം കൊണ്ട് 11,920 രൂപയാണ് സ്വർണ വില വർധിച്ചത്.

TAGS : GOLD RATES
SUMMARY : Gold rate is increased