സ്വർണവിലയില്‍ വീണ്ടും വർധനവ്

തിരുവനന്തപുരം: സ്വർണവിലയില്‍ വീണ്ടും വർധനവ്. കഴിഞ്ഞ ദിവസം കുറഞ്ഞ തുക ഒറ്റയടിക്ക് ഇന്ന് കൂടി. ഇന്നലത്തെ വിലയില്‍ നിന്ന് 360 രൂപ കൂടി ഇന്ന് സ്വർണവില പവന് 71,960 രൂപയായി. മെയ് 25ന് സ്വർണവില പവന് 71,920 രൂപയായിരുന്നു. മെയ് 26ന് 320 രൂപ രൂപ കുറഞ്ഞാണ് സ്വർണവില 71,600ലെത്തിയത്.

സ്വർണവില ഗ്രാമിന് ഇന്ന് 8995 രൂപയാണ്. മെയ് 26ന് വില 8950 രൂപയായിരുന്നു. ഈ വിലയില്‍ നിന്ന് ഇന്ന് 45 രൂപ വർധിച്ചു. മെയ് 25ന് 8990 രൂപ ഗ്രാമിന് വിലയുണ്ടായിരുന്ന സ്വർണം 40 രൂപ കുറഞ്ഞ മെയ് 26ന് 8950 രൂപയിലെത്തി. ഈ വിലയില്‍ നിന്നാണ് 45 രൂപ വർധിച്ച്‌ 8995 രൂപയായത്. രാജ്യാന്തര തലത്തില്‍ സാമ്പത്തിക രംഗത്ത് നിലനില്‍ക്കുന്ന അനിശ്ചിതത്വമാണ് സ്വര്‍ണ വിലയെ സ്വാധീനിക്കുന്നത്.

സ്വര്‍ണത്തിന്റെ രാജ്യാന്തര വില, ഡോളറിനെതിരെ രൂപയുടെ വിനിമയനിരക്ക്, സ്വര്‍ണം ഇറക്കുമതി ചെയ്യുന്ന ബാങ്കുകളുടെ നിരക്ക്, കസ്റ്റംസ് ഡ്യൂട്ടി എന്നിവയാണ് സ്വര്‍ണത്തിന്റെ വില നിര്‍ണയിക്കുന്നതിന്റെ അടിസ്ഥാന ഘടകങ്ങള്‍. കഴിഞ്ഞ മാസങ്ങളില്‍ സുരക്ഷിത നിക്ഷേപം എന്ന നിലയില്‍ സ്വര്‍ണത്തിലേക്ക് കൂടുതല്‍ ആളുകള്‍ എത്തിയതാണ് സ്വര്‍ണവില ഉയരാന്‍ ഇടയാക്കിയത്.

TAGS : GOLD RATES
SUMMARY : Gold rate is increased