എരുമേലി: ശബരിമല തീർത്ഥാടകർ സഞ്ചരിച്ച ബസ് മറിഞ്ഞുണ്ടായ അപകടത്തിൽ അഞ്ച് പേർക്ക് പരുക്ക്. കണമല അട്ടിവളവിലാണ് സംഭവം. തമിഴ്നാട് നാമയ്ക്കൽ സ്വദേശികളാണ് അപകടത്തിൽപ്പെട്ടത്. ഞായറാഴ്ച രാത്രി 8 മണിയോടെയാണ് അപകടമുണ്ടായത്.
പരുക്കേറ്റവരെ എരുമേലി ഗവൺമെന്റ് ആശുപത്രിയിൽ പ്രവേശിപ്പിച്ച് പ്രാഥമിക ചികിത്സകൾ നൽകി. മിനി ബസിൽ 22 തീർത്ഥാടകരുണ്ടായിരുന്നു. പരുക്കേറ്റേവരുടെ നില ഗുരുതരമല്ലെന്ന് ആശുപത്രി അധികൃതർ പറഞ്ഞു. അട്ടിവളവിൽ നിന്നും ഇറക്കം ഇറങ്ങുന്നതിനിടെ ബസിന്റെ നിയന്ത്രണം വിടുകയായിരുന്നു.
ഇതോടെ ബസ് മറിഞ്ഞുവീണു. സമാനമായ രീതിയിൽ ഇതിന് മുമ്പും കണമല അട്ടിവളവിൽ അപകടങ്ങൾ നടന്നിട്ടുണ്ട്. ഇറക്കങ്ങളിൽ ഗിയർ ഡൗൺ ചെയ്യണമെന്ന് മോട്ടോർ വാഹനവകുപ്പിന്റെ നിർദേശമുണ്ട്. എന്നാൽ ഇത് ഒട്ടുമിക്ക വാഹനങ്ങളും പാലിക്കുന്നില്ലെന്നാണ് ഉയരുന്ന വിമർശനങ്ങൾ.
TAGS: KERALA | ACCIDENT
SUMMARY: Sabarimala pilgrims travelling in bus met with accident
