തിരുവനന്തപുരം: തീർപ്പ് കല്പ്പിക്കാനുള്ള ട്രാഫിക്ക് നിയമലംഘനങ്ങളുടെ പിഴ 50 ശതമാനം ഇളവ് ചെയ്യാൻ തീരുമാനം. 31-12-2024 വരെ സംഭവിച്ച എല്ലാ ട്രാഫിക്ക് നിയമലംഘനങ്ങള്ക്ക് ചുമത്തിയിട്ടുള്ള പിഴയില് 50 ശതമാനം ഇളവ് അനുവദിക്കാന് ആംനെസ്റ്റി സ്കീം പുറപ്പെടുവിക്കാന് തീരുമാനിച്ചു. മന്ത്രിസഭാ യോഗത്തിലാണ് തീരുമാനം.
ഒരേ വാഹനങ്ങള്ക്ക് നിരവധി ഇ-ചെല്ലാന് പെന്ഡിംഗ് ഉള്ളതും ചില നിയമലംഘനങ്ങള്ക്ക് ഉയര്ന്ന പിഴ അടക്കേണ്ടിവരുന്നതുമാണ് ഇ- ചെല്ലാന് തീര്പ്പുകല്പ്പിക്കുന്നതില് നിന്നും വാഹന ഉടമകളെ പിന്തിരിപ്പിക്കുന്നത്. ഇ- ചെല്ലാന് കേസുകള് വര്ദ്ധിക്കുന്നതിനനുസരിച്ച് കോടതികളില് കെട്ടികിടക്കുന്ന കേസുകളുടെ എണ്ണവും ഗണ്യമായി വര്ദ്ധിച്ചുകൊണ്ടിരിക്കുകയാണ്.
അതിനാല് തീര്പ്പുകല്പ്പിക്കാനുള്ള ഇ- ചെല്ലാനുകള്ക്ക് പിഴ തുകയുടെ 50 ശതമാനം ഇളവ് പ്രഖ്യാപിക്കണമെന്ന ഗതാഗത കമ്മീഷണറുടെ ശുപാര്ശ അംഗീകരിച്ചാണ് തീരുമാനം. നിയമന ലംഘനങ്ങള്ക്ക് ചുമത്തിയിട്ടുള്ള പിഴ 30-4-2026 ന് മുമ്പ് അടച്ച് തീര്ക്കുമെന്ന വ്യവസ്ഥയിലാണ് 50 ശതമാനം ഇളവ് അനുവദിക്കുക.
SUMMARY: 50 percent discount on fines for traffic violations; decision taken in cabinet meeting
WhatsApp
Telegram
