ബെംഗളൂരു: 5, 8, 9, 11 ക്ലാസുകളിലെ ബോർഡ് പരീക്ഷകളുടെ ഫലപ്രഖ്യാപനം നിർത്തിവയ്ക്കാൻ കർണാടക സർക്കാരിനോട് ആവശ്യപ്പെട്ട് സുപ്രീം കോടതി. ഫലപ്രഖ്യാപനത്തിന് സുപ്രീം കോടതി താൽക്കാലിക സ്റ്റേ നൽകി.
ബോർഡ് പരീക്ഷകൾ നടത്താൻ അനുവദിച്ച കർണാടക ഹൈക്കോടതിയുടെ ഉത്തരവ് സുപ്രീം കോടതി സ്റ്റേ ചെയ്ത സാഹചര്യത്തിലാണ് തീരുമാനം. കർണാടകയിലെ എയ്ഡഡ്, അൺ എയ്ഡഡ് സ്കൂളുകളുടെ പ്രതിനിധികളാണ് ഹൈക്കോടതി തീരുമാനത്തിനെതിരെ സുപ്രീംകോടതിയെ സമീപിച്ചത്. ജസ്റ്റിസ് ബേല എം. ത്രിവേദി, പങ്കജ് മിത്തൽ എന്നിവരുടേതാണ് ഉത്തരവ്.
കർണാടക ഹൈക്കോടതിയുടെ നിർദേശത്തെ തുടർന്ന് കഴിഞ്ഞ മാസമാണ് 5,8,9,11 ക്ലാസുകളിലേക്ക് ബോർഡ് പരീക്ഷകൾ നടത്തിയത്.
മാർച്ച് 22ന് ജസ്റ്റിസ് കെ. സോമശേഖർ, ജസ്റ്റിസ് കെ. രാജേഷ് റായി എന്നിവരുടെ നേതൃത്വത്തിലുള്ള ഡിവിഷൻ ബെഞ്ചാണ് പരീക്ഷ അനുഭവിച്ചുള്ള വിധി പ്രസ്താവിച്ചത്.
എന്നാൽ നിലവിലുള്ള വിദ്യാഭ്യാസ സമ്പ്രദായ പ്രകാരം 10,12 ക്ലാസുകൾക്ക് മാത്രമാണ് ബോർഡ് പരീക്ഷകൾ എന്നും മറ്റ് വിദ്യാർഥികൾക്ക് വാർഷിക പരീക്ഷകൾ മാത്രമാണ് നടത്താറുള്ളത് എന്നും സ്കൂൾ പ്രതിനിധികൾ സുപ്രീം കോടതിയിൽ സമർപ്പിച്ച ഹർജിയിൽ പറഞ്ഞു. കോടതിയിൽ നിന്ന് ഇനിയൊരു അറിയിപ്പ് ഉണ്ടാകുന്നത് വരെ പരീക്ഷാഫലം പ്രസിദ്ധീകരിക്കരുതെന്ന് സ്കൂളുകൾക്ക് നിർദേശമുണ്ട്.
The post 5,8,9,11 ക്ലാസ് ബോർഡ് പരീക്ഷകളുടെ ഫലം പ്രസിദ്ധീകരിക്കുന്നതിന് താൽക്കാലിക സ്റ്റേ appeared first on News Bengaluru.
Powered by WPeMatico
WhatsApp
Telegram
