കാസറഗോഡ്: ബോക്സിംഗ്, കരാട്ടെ താരം തെങ്ങില് നിന്നും വീണ് മരിച്ചു. കാഞ്ഞങ്ങാട് കോടോം ബേളൂര് ഗ്രാമപഞ്ചായത്തിലെ ഇരിയ തട്ടുമ്മല് ചേരിക്കുന്നിലെ എം. രഞ്ജന്കുമാര് (48) ആണ് മരിച്ചത്.
?ഞായറാഴ്ച ഉച്ചയോടെ സ്വന്തം വീട്ടുറ്റത്തെ തെങ്ങില് തേങ്ങ പറിക്കാന് കയറിയപ്പോഴായിരുന്നു അപകടം. തെങ്ങില് നിന്നും വഴുതി താഴെ വീണ രഞ്ജനെ ഉടന് തന്നെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
ബോക്സിംഗ്, കരാട്ടെ മത്സരങ്ങളില് സംസ്ഥാന തലത്തിലടക്കം നിരവധി ചാമ്പ്യന്ഷിപ്പുകള് നേടിയിട്ടുള്ള മികച്ച കായികതാരമായിരുന്നു ഇദ്ദേഹം. കുമാരന്റെയും പരേതയായ മാണിക്കത്തിന്റെയും മകനാണ്. ഭാര്യ: ലീല. മകള്: ഐശ്വര്യ. സഹോദരങ്ങള്: രാഘവന്, ഗീത, മഞ്ജുള, നളിനി.
SUMMARY: Boxing-karate star dies after falling from coconut tree
