ബെംഗളൂരു: മഹാശിവരാത്രിയോടനുബന്ധിച്ചുള്ള യാത്രാതിരക്ക് പരിഗണിച്ച് യശ്വന്ത്പൂരിനും മഡ്ഗാവിനും ഇടയിൽ മംഗളൂരു വഴി പ്രത്യേക ട്രെയിൻ സർവിസ് പ്രഖ്യാപിച്ച് ദക്ഷിണ പശ്ചിമ റെയില്വേ.
ട്രെയിൻ നമ്പർ 06507 യശ്വന്ത്പുര-മഡ്ഗാവ് സ്പെഷൽ എക്സ്പ്രസ് ഫെബ്രുവരി 13ന് ഉച്ചയ്ക്ക് 12.30 ന് യശ്വന്ത്പൂരിൽ നിന്ന് പുറപ്പെട്ട് അടുത്ത ദിവസം രാവിലെ 6.45ന് മഡ്ഗാവിൽ എത്തും. മടക്കയാത്രയിൽ, ട്രെയിൻ നമ്പർ 06508 മഡ്ഗാവ്-യശ്വന്ത്പുര സ്പെഷൽ എക്സ്പ്രസ് ഫെബ്രുവരി 16ന് രാവിലെ 11ന് മഡ്ഗാവിൽ നിന്ന് പുറപ്പെട്ട് അടുത്ത ദിവസം പുലർച്ച 4.45ന് യശ്വന്ത്പൂരിൽ എത്തിച്ചേരും.
സ്റ്റോപ്പുകള്: ചിക്കബാണവര, ചന്നരായപട്ടണ, ഹാസൻ, സക്ലേശ്പുർ, സുബ്രഹ്മണ്യ റോഡ്, കബക പുത്തൂർ, ബണ്ട്വാൾ, സൂറത്കൽ, മുൽക്കി, ഉഡുപ്പി, ബാർക്കൂർ ബ്രഹ്മാവർ, കുന്താപുരം, മൂകാംബിക റോഡ് ബൈന്ദൂർ, ഭട്കൽ, മുർഡേശ്വർ, ഹൊണാവർ, കുംത, ഗോകര്ണ റോഡ്, കാര്വാര്, അങ്കോള
ഒരു ഫസ്റ്റ് എ.സി കം എ.സി ടു-ടയർ കോച്ച്, രണ്ട് എ.സി ടു-ടയർ കോച്ചുകൾ, രണ്ട് എ.സി ത്രീ-ടയർ കോച്ചുകൾ, ഒമ്പത് സ്ലീപ്പർ ക്ലാസ് കോച്ചുകൾ, നാല് ജനറൽ സെക്കൻഡ് ക്ലാസ് കോച്ചുകൾ, രണ്ട് എസ്.എൽ.ആർ/ഡി കോച്ചുകൾ എന്നിവയുൾപ്പെടെ 20 കോച്ചാണ് ട്രെയിനിൽ ഉണ്ടാവുക.
SUMMARY: Mahashivratri; Special train from Yeshwantpura to Madgaon via Mangaluru
