ബെംഗളൂരു: നോർത്ത് ബെംഗളൂരുവിലെ തനിസന്ദ്ര പോലീസ് ക്വാർട്ടേഴ്സിനു സമീപം സ്കൂൾ ബസ് സ്കൂട്ടറിലിടിച്ച് രണ്ട് പിഞ്ചുകുട്ടികൾ മരിച്ചു. സിറ്റി ആംഡ് റിസർവ് കോൺസ്റ്റബിൾ നാഗനഗൗഡയുടെ മകൾ വർഷ (2), ഗൗഡയുടെ സഹോദര പുത്രി ഭാനു (4) എന്നിവരാണു അപകടത്തിൽ മരിച്ചത്. ബസ് ഇടിച്ചതോടെ സ്കൂട്ടറിൽ നിന്നു തെറിച്ചുവീണ കുട്ടികളുടെ ദേഹത്തു കൂടി ബസ് കയറിയിറങ്ങുകയായിരുന്നു. നാഗനഗൗഡ കുട്ടികളെ സ്കൂട്ടറിന്റെ മുൻ സീറ്റിലിരുത്തി പാൽ വാങ്ങിക്കാൻ പോകുമ്പോഴായിരുന്നു അപകടം.
സ്കൂട്ടർ ഒരു വളവിലെത്തിയപ്പോൾ എതിരേവന്ന ബസ് ഇടിക്കുകയായിരുന്നു. റോഡിലേക്ക് വീണ കുട്ടികളുടെ ശരീരത്തിലൂടെ ബസ്സിന്റെ മുൻ ടയർ കയറിയിറങ്ങി. അപകടത്തിൽ നാഗനഗൗഡയ്ക്കും പരുക്കേറ്റു. മൂവരേയും ഉടൻ ആശുപത്രിയിലെത്തിച്ചെങ്കിലും വർഷയും ഭാനുവും മരിച്ചു.നാഗനഗൗഡ ചികിത്സയിലാണ്. സംഭവത്തില് ബസ് ഡ്രൈവർ മാരപ്പയെ അറസ്റ്റ് ചെയ്തു.
SUMMARY: Two young children die after school bus hits scooter
