മുംബൈ: പ്രമുഖ പൊതുമേഖലാ ധനകാര്യ സ്ഥാപനമായ ബാങ്ക് ഓഫ് ബറോഡയിൽ തൊഴില് അവസരം. എംഎസ്എംഇ ബാങ്കിങ് (സൂക്ഷ്മ, ചെറുകിട, ഇടത്തരം സംരംഭങ്ങൾ) വിഭാഗത്തിൽ റെഗുലർ, കരാർ അടിസ്ഥാനത്തിലുള്ള വിവിധ തസ്തികകളിലേക്ക് അപേക്ഷ ക്ഷണിച്ചു. രണ്ട് വിജ്ഞാപനങ്ങളിലുമായി മൊത്തം 419 ഒഴിവാണുള്ളത്.
റെഗുലർ തസ്തികകൾ: ( ഒഴിവ്: 166). തസ്തികകൾ- – സീനിയർ മാനേജർ – എംഎസ്എംഇ റിലേഷൻഷിപ്പ് (MMG/S-III): 113. പ്രായം: 30- – 40 വയസ്. സീനിയർ മാനേജർ – ക്രെഡിറ്റ് അനലിസ്റ്റ് (MMG/S-III): 19 . പ്രായം: 29- –37 വയസ്. മാനേജർ – ക്രെഡിറ്റ് അനലിസ്റ്റ് (MMG/S-II): 34 പ്രായം: 25-–34 വയസ്.
കരാർ തസ്തികകൾ: ( ഒഴിവ്: 253) 5 വർഷത്തെ പ്രാരംഭ കാലയളവിലേക്കാണ് ഈ നിയമനം. 5 വർഷം കൂടിനീട്ടാൻ സാധ്യതയുണ്ട്. തസ്തികകൾ: അസിസ്റ്റന്റ് വൈസ് പ്രസിഡന്റ് – എംഎസ്എംഇ റിലേഷൻഷിപ്പ്: 14 . പ്രായം: 26- – 36 വയസ്. ഡെപ്യൂട്ടി മാനേജർ – എംഎസ്എംഇ റിലേഷൻഷിപ്പ്: 62. പ്രായം: 24- –34 വയസ്. അസിസ്റ്റന്റ് മാനേജർ – എംഎസ്എംഇ സെയിൽസ്: 177. പ്രായം: 22–32 വയസ്. യോഗ്യത: എല്ലാ തസ്തികകളിലേക്കും ഏതെങ്കിലും വിഷയത്തിലുള്ള ബിരുദം നിർബന്ധമാണ്. എംബിഎ, പിജിഡിഎംഅല്ലെങ്കിൽ സിഎ പോലുള്ള പ്രൊഫഷണൽ യോഗ്യതയുള്ളവർക്ക് മുൻഗണന.
അതത് തസ്തികകളിൽ നിശ്ചിത വർഷത്തെ പ്രവൃത്തിപരിചയവും ആവശ്യമാണ്. തെരഞ്ഞെടുപ്പ് രീതി: ഓൺലൈൻ ടെസ്റ്റ്, സൈക്കോമെട്രിക് ടെസ്റ്റ്, ഗ്രൂപ്പ് ഡിസ്കഷൻ, പേഴ്സണൽ ഇന്റർവ്യൂ എന്നിവയുടെ അടിസ്ഥാനത്തിലാണ് തെരഞ്ഞെടുപ്പ്. ഓൺലൈൻ പരീക്ഷയിൽ റീസണിങ്, ഇംഗ്ലീഷ്, ക്വാണ്ടിറ്റേറ്റീവ് ആപ്റ്റിറ്റ്യൂഡ്, പ്രൊഫഷണൽ നോളജ് എന്നിവയിൽ നിന്നുള്ള ചോദ്യങ്ങൾ ഉണ്ടാകും. അപേക്ഷാ ഫീസ്: 850 രൂപ. എസ്സി, എസ്ടി, ഭിന്നശേഷിക്കാർ, സ്ത്രീകൾ എന്നിവർക്ക്: 175 രൂപ. ബാങ്കിന്റെ ഔദ്യോഗിക വെബ്സൈറ്റ് വഴി (https://bankofbaroda.bank.in) ഓൺലൈനായി അപേക്ഷിക്കണം. അപേക്ഷിക്കേണ്ട അവസാന തീയതി: ഫെബ്രുവരി 26. കൂടുതൽ വിവരങ്ങൾക്കും അപേക്ഷ സമർപ്പിക്കാനുമായി ബാങ്ക് ഓഫ് ബറോഡയുടെ ഔദ്യോഗിക വെബ്സൈറ്റിലെ ‘Current Opportunities’ എന്ന വിഭാഗം കാണുക.
SUMMARY: Bank of Baroda has 419 vacancies, you can apply for up to 26
WhatsApp
Telegram
