തെഹ്‌റാൻ: അന്തരിച്ച ആയത്തുള്ള അലി ഖമനയിയുടെ പിൻഗാമിയായി അദ്ദേഹത്തിന്റെ മകൻ മോജ്തബ ഖമനയിയെ ഇറാന്റെ പുതിയ പരമാധികാര നേതാവായി തിരഞ്ഞെടുത്തു. ഇറാന്റെ പരമോന്നത സഭയായ അസംബ്ലി ഓഫ് എക്സ്പെർട്സ് ആണ് ഇക്കാര്യത്തിൽ തീരുമാനമെടുത്തതെന്ന് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തു. ഫെബ്രുവരി 28-ന് നടന്ന സൈനിക നീക്കത്തിൽ അലി ഖമനയി കൊല്ലപ്പെട്ടതിനെത്തുടർന്ന് രാജ്യം വലിയ രാഷ്ട്രീയ പ്രതിസന്ധിയിലൂടെ കടന്നുപോകവെയാണ് പുതിയ പ്രഖ്യാപനം. ഇസ്ലാമിക് വിപ്ലവത്തിന് ശേഷം അധികാരമേറ്റെടുത്ത ആയത്തുള്ള റൂഹുള്ള ഖമനയിയായിരുന്നു ആദ്യ പരമോന്നത നേതാവ്.
അലി ഖമനിയിയുടെ ആറ് മക്കളിൽ രണ്ടാമനാണ് 56കാരനായ മോജ്തബ ഖമനയി. രാജ്യത്തിന്റെ ഭരണഘടന അനുസരിച്ച് പൊതുനയങ്ങൾ പരമോന്നത നേതാവാണ് തീരുമാനിക്കുന്നത്. സായുധ സേനയ്ക്ക് പുറമേ ജുഡീഷ്യൽ സംവിധാനം, രഹസ്യാന്വേഷണം, ഔദ്യോഗിക വാർത്താ മാധ്യമങ്ങൾ എന്നിവ പരമോന്നത നേതാവിന് കീഴിലാണ്.
അതേസമയം ആയത്തൊള്ള അലി ഖമനയിയുടെ ഭൗതികശരീരം അദ്ദേഹത്തിന്റെ ജന്മനാടായ മഷാദിൽ സംസ്കരിക്കും. ഷിയാ മുസ്‌ലിംകളുടെ വിശുദ്ധ നഗരവും ഖമനയ്‌യുടെ ജന്മസ്ഥലവുമായ മഷാദിലെ ‘ഇമാം റിസ’ പള്ളിയിലായിരിക്കും സംസ്കാരം നടക്കുക. സംസ്കാര തീയതി പ്രഖ്യാപിച്ചിട്ടില്ല.ടെഹ്‌റാനിൽ നിന്ന് വൻ ജനപങ്കാളിത്തത്തോടെയുള്ള വിലാപയാത്രയായാണ് ഭൗതികശരീരം മഷാദിലേക്ക് എത്തിക്കുന്നത്. ഇറാനിലെമ്പാടും കനത്ത ദുഃഖാചരണമാണ് പ്രഖ്യാപിച്ചിരിക്കുന്നത്.
ഇറാനിലെ തന്ത്രപ്രധാന കേന്ദ്രങ്ങളെ ലക്ഷ്യമിട്ട് അമേരിക്കയും ഇസ്രായേലും നടത്തിയ സംയുക്ത സൈനിക നീക്കത്തിലാണ് ഖമനയി കൊല്ലപ്പെട്ടത്. ഇത് പശ്ചിമേഷ്യയെ ഒരു പൂർണ യുദ്ധത്തിന്‍റെ വക്കിലെത്തിച്ചിരിക്കുകയാണ്. ഖമനയ്‌യുടെ വിയോഗത്തോടെ ഇറാനിൽ പുതിയ ഭരണനേതൃത്വത്തെ കണ്ടെത്താനുള്ള ശ്രമങ്ങളും അണിയറയിൽ നടക്കുന്നുണ്ട്. രാജ്യത്ത് അതീവ ജാഗ്രത തുടരുകയാണ്.
SUMMARY: Khamenei’s body will be buried in his birthplace of Mashhad; Mojtaba Khamenei becomes the new supreme leader
