ബെംഗളൂരു: റെയിൽവേ പാലത്തിലെ സ്റ്റീൽ ഗർഡറുകൾ മാറ്റിസ്ഥാപിക്കുന്ന പ്രവൃത്തികള് നടക്കുന്നതിനാല് ജ്ഞാനഭാരതി മെയിൻ റോഡിൽ ബുധനാഴ്ച വൈകുന്നേരം 6 മുതൽ വെള്ളിയാഴ്ച ഉച്ചവരെ വാഹന ഗതാഗതത്തില് നിയന്ത്രണം ഏര്പ്പെടുത്തി. 42 മണിക്കൂർ നേരത്തേക്കാണ് നിയന്ത്രണം ഏര്പ്പെടുത്തിയത്. മൈസൂരു റോഡിൽ നിന്ന് ബാംഗ്ലൂർ യൂണിവേഴ്സിറ്റി (ബിയു) ഭാഗത്തേക്ക് പോകുന്ന യാത്രക്കാർ താഴെ പറയുന്ന റൂട്ടുകളില് കൂടി സഞ്ചരിക്കണമെന്ന് ട്രാഫിക് പോലീസ് അറിയിച്ചു.
-
മൈസൂർ റോഡിൽ നിന്ന് ബംഗളുരു യൂണിവേഴ്സിറ്റിയിലേക്കും ഉള്ളാൾ റിംഗ് റോഡിലേക്കും പോകുന്ന വാഹനങ്ങൾ: ജ്ഞാനഭാരതി ജംഗ്ഷനിൽ നിന്ന് ജയറാംദാസ് ജംഗ്ഷനിൽ എത്തി വലത്തേക്ക് തിരിയുക. അവിടെ നിന്ന് മുത്തുരായനഗർ-ഗവൺമെന്റ് പ്രസ് റോഡിലൂടെ മുന്നോട്ട് പോയി, ബി.പി.എഡ് (BPEd) ഗ്രൗണ്ടിന് സമീപം വലത്തോട്ട് തിരിഞ്ഞ് ബാംഗ്ലൂർ യൂണിവേഴ്സിറ്റി റോഡിലേക്ക് പ്രവേശിക്കാവുന്നതാണ്.
-
ഉള്ളാൾ ജംഗ്ഷനിൽ നിന്ന് ബാംഗ്ലൂർ യൂണിവേഴ്സിറ്റി വഴി ജ്ഞാനഭാരതി ജംഗ്ഷനിലേക്കും മൈസൂർ റോഡിലേക്കും പോകുന്ന വാഹനങ്ങൾ: ബാംഗ്ലൂർ യൂണിവേഴ്സിറ്റി ഹെഡ് ഓഫീസ് സർക്കിളിന് സമീപം ഇടത്തോട്ട് തിരിഞ്ഞ്, നാഗരഭാവി മെയിൻ റോഡ് വഴി നാഗരഭാവി റിംഗ് റോഡിലെത്തി മൈസൂർ റോഡിലേക്ക് പോകാവുന്നതാണ്.
-
മരിയപ്പനപാളയ ജംഗ്ഷനിൽ നിന്ന് ബാംഗ്ലൂർ യൂണിവേഴ്സിറ്റി വഴി ജ്ഞാനഭാരതി ജംഗ്ഷനിലേക്കും മൈസൂർ റോഡിലേക്കും പോകുന്ന വാഹനങ്ങൾ: ബാംഗ്ലൂർ യൂണിവേഴ്സിറ്റി മെയിൻ റോഡിൽ നിന്ന് ഇടത്തോട്ട് തിരിയുക, തുടർന്ന് ബാംഗ്ലൂർ യൂണിവേഴ്സിറ്റി ഹെഡ് ഓഫീസ് സർക്കിളിന് സമീപം വലത്തോട്ട് തിരിഞ്ഞ്, നാഗരഭാവി മെയിൻ റോഡ് വഴി നാഗരഭാവി റിംഗ് റോഡിലെത്തി മൈസൂർ റോഡിലേക്ക് പോകാവുന്നതാണ്.
SUMMARY: Jnanabharathi Road to be closed for 42 hours from today
