ദുബൈ വിമാനത്താവളത്തിന് സമീപം ഡ്രോണ്‍ ആക്രമണം; ഇന്ത്യാക്കാരൻ ഉള്‍പ്പെടെ നാലുപേര്‍ക്ക് പരുക്ക്

ദുബൈ: യുഎഇയിലെ ദുബൈ അന്താരാഷ്ട്ര വിമാനത്താവളത്തിന് (ഡിഎക്‌സ്ബി) സമീപം ഡ്രോണ്‍ ആക്രമണം. ഇന്ത്യാക്കാരൻ ഉള്‍പ്പെടെ നാല് പേർക്ക് പരുക്കേറ്റു. ഇന്ത്യക്കാരന് പുറമേ രണ്ട് ഘാന സ്വദേശികള്‍ക്കും ഒരു ബംഗ്ലാദേശ് പൗരനുമാണ് പരുക്കേറ്റത്. രണ്ട് ഡ്രോണുകള്‍ എയർപോർട്ട് പരിസരത്ത് പതിക്കുകയായിരുന്നു.

എന്നാല്‍ വിമാന സർവീസിനെ ബാധിച്ചിട്ടില്ലെന്ന് അധികൃതർ അറിയിച്ചു. കുറച്ചുനേരം മുമ്പാണ് സംഭവം നടന്നതെന്ന് ദുബൈ മീഡിയ ഓഫീസ് അറിയിച്ചു. അതിനിടെ, ആസ്‌ത്രേലിയ അബൂദബിയിലെ എംബസിയും ദുബൈയിലെ കോണ്‍സുലേറ്റും അടക്കാൻ തീരുമാനിച്ചു. ഇസ്രായേലിലെ തെല്‍അവീവ് എംബസിയും അടക്കും. സുരക്ഷ കണക്കിലെടുത്തൊണ് നടപടിയെന്ന് വിദേശകാര്യമന്ത്രി അറിയിച്ചു.

SUMMARY: Drone attack near Dubai airport; Four people including an Indian injured