ന്യൂഡൽഹി: പാചകവാതക ക്ഷാമത്തിന്റെ പശ്ചാത്തലത്തിൽ സംസ്ഥാനങ്ങൾക്ക് 40,000 കിലോ ലിറ്റർ അധിക മണ്ണെണ്ണ അനുവദിച്ചതായി പെട്രോളിയം, പ്രകൃതിവാതക മന്ത്രാലയത്തിലെ ജോയിന്റ് സെക്രട്ടറി സുജാത ശർമ്മ അറിയിച്ചു. വാണിജ്യ എൽ.പി.ജി സിലിണ്ടറുകൾക്ക് നിയന്ത്രണമുള്ളതിനാൽ സംസ്ഥാന സർക്കാരുകൾ നിശ്ചയിക്കുന്ന പ്രത്യേക ഗുണഭോക്താക്കൾക്ക് വിതരണം ചെയ്യാമെന്നും സെക്രട്ടറി അറിയിച്ചു.
സംസ്ഥാന സർക്കാരുകളുടെ ആവശ്യപ്രകാരം തിരഞ്ഞെടുത്ത ഉപഭോക്താക്കൾക്ക് വാണിജ്യ സിലിണ്ടറുകൾ നൽകാനും തീരുമാനിച്ചിട്ടുണ്ടെന്നും സുജാത ശർമ പറഞ്ഞു. അതേസമയം ക്രൂഡ് ഓയിൽ വിതരണത്തിൽ പ്രശ്നങ്ങളൊന്നുമില്ലെന്നും രാജ്യത്തെ ഒരു ലക്ഷം പെട്രോൾ പമ്പുകളിലും ഇന്ധന ക്ഷാമമുണ്ടാകില്ലെന്നും അവർ പറഞ്ഞു.
SUMMARY: Cooking gas shortage; 40,000 kiloliters of additional kerosene will be provided to states
