കൊച്ചി: നടിമാരായ വീണാ നായരും അഞ്ജലി നായരും ലക്ഷ്മി പ്രിയയും ട്വന്റി 20യില് ചേർന്നു. നടി വീണാ നായർ ഏറ്റുമാനൂരിലും അഞ്ജലി നായർ തൃപ്പൂണിത്തുറയിലും ലക്ഷ്മിപ്രിയ പെരുമ്പാവൂരിലും മത്സരിക്കുമെന്ന് ചെയർമാൻ സാബു എം ജേക്കബ് വാർത്താസമ്മേളനത്തില് പറഞ്ഞു. ആദ്യമായാണ് രാഷ്ട്രീയത്തില് ഇറങ്ങുന്നത് എന്ന് അഞ്ജലി നായർ പ്രതികരിച്ചു.
ഒരു പാർട്ടിയിലും അംഗത്വം ഇല്ലെന്നും പത്ത് വർഷമായി ബിജെപി വേദികളില് സജീവമാണെന്നും ലക്ഷ്മി പ്രിയ പറഞ്ഞു. നിലവില് അമ്മ വൈസ് പ്രസിഡന്റാണ്. എസ്എഫ്ഐ യില് കോളേജ് യൂണിയൻ ചെയർ പേഴ്സൻ ആയിരുന്നു എന്നും ഇപ്പോള് മാറ്റങ്ങളുടെ ഭാഗമാകുന്നു എന്നും വീണാ നായർ പ്രതികരിച്ചു. താരങ്ങള്ക്ക് പുറമെ മറിയ ഉമ്മന്റെ ഭർത്താവ് ഡോ.വർഗീസ് ജോർജ് കൊടുങ്ങല്ലൂരില് ട്വിന്റി 20 ടിക്കറ്റില് കളത്തിലിറങ്ങുന്നുണ്ട്.
അതേസമയം, ട്വന്റി-20 സംസ്ഥാന അധ്യക്ഷൻ സാബു എം. ജേക്കബ് തിരഞ്ഞെടുപ്പില് മത്സരിക്കില്ല. അഖില് മാരാർ തൃക്കാക്കരയില് മത്സരിക്കുമെന്ന് കഴിഞ്ഞ ദിവസം പ്രഖ്യാപിച്ചിരുന്നു. വ്യത്യസ്ത മേഖലയില് കഴിവ് തെളിയിച്ചവരെയാണ് സ്ഥാനാർഥികളാക്കുന്നതെന്നാണ് പാര്ട്ടി പ്രസിഡന്റ് സാബു എം.ജേക്കബ് പറഞ്ഞത്.
SUMMARY: Twenty20 brings stars to the field; Actresses Veena Nair, Anjali Nair and Lakshmi Priya are candidates
