ഡല്ഹി: ദേശീയ തലസ്ഥാനമായ ഡല്ഹിയിലെ പാലം മേഖലയില് ബുധനാഴ്ച രാവിലെ പാര്പ്പിട സമുച്ചയത്തിലുണ്ടായ വന് തീപിടുത്തത്തില് ഏഴ് പേര് കൊല്ലപ്പെട്ടു. നിരവധി പേര് ഇപ്പോഴും കെട്ടിടത്തിനുള്ളില് കുടുങ്ങിക്കിടക്കുന്നതായാണ് റിപ്പോര്ട്ടുകള്. അഗ്നിശമന സേനയുടെയും പോലീസിന്റെയും നേതൃത്വത്തില് അതിവേഗ രക്ഷാപ്രവര്ത്തനം പുരോഗമിക്കുകയാണ്.
ബുധനാഴ്ച രാവിലെ ഏഴ് മണിയോടെയാണ് പാലം മെട്രോ സ്റ്റേഷന് സമീപമുള്ള ലെയ്ന് നമ്പര് രണ്ടിലെ കെട്ടിടത്തില് തീപിടുത്തമുണ്ടായത്. വിവരം ലഭിച്ച ഉടന് തന്നെ 30 അഗ്നിശമന യൂണിറ്റുകള് സ്ഥലത്തെത്തി തീ അണയ്ക്കാനുള്ള ശ്രമം ആരംഭിച്ചു. അതിവേഗം തീ പടര്ന്നത് രക്ഷാപ്രവര്ത്തനത്തിന് വെല്ലുവിളിയായി. അപകടത്തില് 7 പേര് മരിച്ചതായി വാര്ത്താ ഏജന്സിയായ എഎന്ഐ റിപ്പോര്ട്ട് ചെയ്തു.
പരുക്കേറ്റവരെ ഉടന് ആശുപത്രിയിലെത്തിക്കാന് ക്യാറ്റ്സ് ആംബുലന്സുകളും മെഡിക്കല് സംഘവും സ്ഥലത്ത് ക്യാമ്പ് ചെയ്യുന്നുണ്ട്. സുരക്ഷാ മുന്കരുതലിന്റെ ഭാഗമായി ഡല്ഹി പോലീസ് പ്രദേശം വളഞ്ഞു.
SUMMARY: Fire breaks out in residential complex in Delhi; Seven people including three children of a family die
