ബെംഗളൂരു: ജനവാസമേഖലയില്‍ ഇറങ്ങി രണ്ടു പേരെ ആക്രമിച്ച പുള്ളിപ്പുലിയെ നാട്ടുകാർ പിടികൂടി. മൈസൂരു ഹുന്‍സൂര്‍ ഹുലിയാലു ഗ്രാമത്തിൽ ശനിയാഴ്ച വൈകീട്ടാണ് സംഭവം.
ഗവഡഗെരെ ഹോബ്ലി ഹുല്യലു നാഗണ്ണയുടെ മകൻ അജയ്, കോഴി ഫാം ഉടമയും കെ.ആർ. നഗർ നിവാസിയുമായ രാജു എന്നിവർക്കാണ് പുലി ആക്രമണത്തിൽ പരുക്കേറ്റത്. കുറ്റിക്കാട്ടിൽ ഒളിച്ചിരുന്ന പുലി അജയയെ ആക്രമിക്കുകയായിരുന്നു. ഇയാളുടെ നിലവിളികേട്ട് ഓടിയെത്തിയ രാജുവിനേയും ആക്രമിച്ചു. ഇരുവരുടെയും നിലവില്‍ കേട്ട് ഓടിക്കൂടിയ നാട്ടുകാർ പുലിയെ വലയിട്ട് കുടുക്കുകയായിരുന്നു. തുടർന്ന് വനംവകുപ്പെത്തി പുലിയെ കൂട്ടിലാക്കി ഉൾക്കാട്ടിലേക്ക് വിട്ടയച്ചു. ഒരു വയസ്സുള്ള ആൺപുലിയാണ് പിടിയിലായത്. പരുക്കേറ്റ ഇരുവരും മൈസൂരുവിലെ കെ.ആര്‍ ആശുപത്രിയിൽ ചികിത്സയിലാണ്.
SUMMARY: Locals catch leopard that attacked farmers in residential area
