ന്യൂഡല്ഹി: പി വി അന്വറിനെതിരെ കടുത്ത വിമര്ശനവുമായി തൃണമൂല് കോണ്ഗ്രസ് ദേശീയ നേതൃത്വം. അന്വര് അധികാരമോഹിയെന്നും സ്ഥിരതയില്ലാത്ത രാഷ്ട്രീയക്കാരനെന്നും തൃണമൂല് സെക്രട്ടറി വി ശിവദാസൻ വിമർശിച്ചു. അന്വര് ഒരു ഫ്രോഡാണ്. ഇയാളെ വച്ച് കേരളത്തില് തൃണമൂല് കോണ്ഗ്രസിനെ വളര്ത്താന് പറ്റില്ലെന്നും നേതൃത്വത്തിന് മനസിലായി. അൻവറിനുള്ള തൃണമൂൽ കോൺഗ്രസ് പിന്തുണ പിൻവലിച്ചെന്നും ശിവദാസൻ പറഞ്ഞു.
തൃണമൂല് കോണ്ഗ്രസില് ചേരാന് സന്നദ്ധത അറിയിച്ച് അന്വര് മമത ബാനര്ജിക്ക് അയച്ച കത്തില്, സിറ്റിങ് എംഎല്എമാരും മുന് എംഎല്എമാരും മുന് എംപിമാരുമടക്കം തനിക്കൊപ്പം ടിഎംസിയില് ചേരുമെന്ന് അറിയിച്ചിരുന്നുവെന്ന് ശിവദാസൻ പറഞ്ഞു. എംഎല്എമാരായ യു.പ്രതിഭ, കോവൂര് കുഞ്ഞുമോന്, കെ.പി.മോഹനന്, കെ.കെ.രമ, തോമസ് കെ.തോമസ് എന്നിവരുടെയും മുന് എംഎല്എമാരുടെയും മുന് എംപിമാരുടെയുമെല്ലാം പേരുകള് ഇതിലുണ്ടായിരുന്നു. മറ്റനേകം നേതാക്കളുടെ പിന്തുണയുണ്ടെന്നു അന്വര് അവകാശപ്പെട്ടിരുന്നു. കത്തിലെ വസ്തുത അന്വേഷിക്കാന് മമത ബാനര്ജി നിര്ദേശിച്ചതനുസരിച്ച് താന് കേരളത്തില് പോയിരുന്നു. എംഎല്എമാരടക്കമുള്ള നേതാക്കള്ക്കൊന്നും ഇതേപ്പറ്റി അറിയില്ലെന്നാണ് അന്വേഷണത്തില് മനസിലായതെന്നും അദ്ദേഹം പറഞ്ഞു
SUMMARY: ‘P.V. Anwar a fraud; an unstable politician’; Trinamool Congress national leadership
WhatsApp
Telegram
