ബെംഗളൂരു: കര്ണാടക എസ്എസ്എൽസി പരീക്ഷയില് നൂറുമേനി വിജയം സ്വന്തമാക്കി മലബാർ മുസ്ലിം അസോസിയേഷനു കീഴിലെ ക്രസൻ്റ് സ്കൂള്. പരീക്ഷ എഴുതിയ മുഴുവൻ വിദ്യാർത്ഥികളില് 16 പേര് ഡിസ്റ്റൻഷൻ കരസ്ഥമാക്കി. 5 വിദ്യാർഥികൾ 90 ശതമാനത്തിലധികം മാര്ക്ക് നേടി മികവ് തെളിയിച്ചു. ഭുവനേശ് 94 24%, ആയിശ ശാഫിയ 93.44 % , ജയ് ഭാരത് 93. 41%, ഹലീമ സഅദിയ്യ 90 72% , ബുശ്റ ബാനു 90.4 % , എന്നിവരാണ് 90 ശതമാനത്തിൽ കൂടുതൽ മാർക്ക് നേടിയവർ.
30 വിദ്യാർഥികൾ 80 ശതമാനത്തിൽ കൂടുതൽ മാർക്ക് നേടി. കഴിഞ്ഞ പ്ലസ്ടു പരീക്ഷയിലും നൂറ് ശതമാനമായിരുന്നു വിജയം. ചേരികളിൽ നിന്നും വരുന്ന നിർധന വിഭാഗങ്ങളിൽപ്പെട്ട വിദ്യാർത്ഥികളാണ് ഇവിടെ പഠിക്കുന്നതിൽ ഭൂരിഭാഗവും. 1500 ൽ പരം കുട്ടികളാണ് ഇവിടെ പഠിക്കുന്നത്. വിദ്യാർഥികളുടെ വര്ധന പരിഗണിച്ച് കെട്ടിടത്തിൻ്റെ പുതി ബ്ലോക്ക് ഈ ജൂണിൽ തുറന്ന് പ്രവർത്തിക്കും.
എംഎംഎ 1994 ലാണ് സ്കൂൾ ആരഭിച്ചത്. ചുരുങ്ങിയ ഫീസിൽ ഗുണനിലവാരമുള്ള വിദ്യഭ്യാസവും ഉന്നത പഠനത്തിനുള്ള സാഹചര്യവും സൃഷ്ടിക്കലാണ് ലക്ഷ്യമിടുന്നതെന്നും അതിനായി മിടുക്കരായ വിദ്യാർഥികൾക്ക് ക്യാഷ് അവാര്ഡുകളും പാവപ്പെട്ട 25% വിദ്യാർഥികൾക്ക് സ്കോർഷിപ്പും നൽകി വരുന്നതായും പ്രസിഡണ്ട് ഡോ. എൻ എ മുഹമ്മദ്, ജനറൽ സെക്രട്ടറി ടി.സി സിറാജ്, ചെയർമാൻ അഡ്വ പി ഉസ്മാൻ എന്നിവർ പറഞ്ഞു.
SUMMARY: SSLC; MMA Crescent School gets 100 marks
