ബെംഗളൂരു: ബാംഗ്ലൂര് കേരളസമാജവും ഈസ്റ്റ് കള്ചറല് അസോസിയേഷനും (ഇസിഎ) സംയുക്തമായി സംഘടിപ്പിക്കുന്ന സൗത്ത് ഇന്ത്യന് പ്രവാസി അമച്വര് നാടകോത്സവം 2026 മേയ് 30, 31 തീയതികളില് ബെംഗളൂരു ഇന്ദിരാനഗര് ഇസിഎ ഓഡിറ്റോറിയത്തില് നടക്കും.
ദക്ഷിണേന്ത്യന് സംസ്ഥാനങ്ങളില് നിന്നുള്ള നാടക സമിതികള്ക്കു മത്സരത്തില് പങ്കെടുക്കാം. നാടകത്തിന്റെ ദൈര്ഘ്യം ഒരു മണിക്കൂര് 15 മിനിറ്റില് കൂടാന് പാടില്ല. പങ്കെടുക്കുന്ന ടീമുകള് അപേക്ഷയും നാടകത്തിന്റെ സ്ക്രിപ്റ്റും ഏപ്രില് 30നു മുന്പു സമര്പ്പിക്കണം. ഒന്നാം സമ്മാനം 50,000 രൂപയും റോളിങ് ട്രോഫിയും രണ്ടാം സമ്മാനം 30,000 രൂപയും മൂന്നാം സമ്മാനം 20,000 രൂപയുമായിരിക്കും. മികച്ച നടന്, നടി, സംവിധായകന്, തിരക്കഥാകൃത്ത് എന്നിവര്ക്ക് 5,000 രൂപ വീതം ലഭിക്കും. മത്സരത്തില് പങ്കെടുക്കുന്ന ടീമുകള്ക്ക് 10,000 രൂപ പ്രോത്സാഹന സമ്മാനമായി നല്കുമെന്നു കേരള സമാജം ജനറല് സെക്രട്ടറി റജി കുമാര്, കള്ചറല് സെക്രട്ടറി വി.മുരളിധരന്, ഇസിഎ സാഹിത്യവിഭാഗം കണ്വീനര് ഒ.സഞ്ജയ് അലക്സ് എന്നിവര് അറിയിച്ചു. ഫോണ്: 94485 57993, 87926 87607.
