ഡല്ഹി: എയര് ഇന്ത്യ വിമാനം ആകാശച്ചുഴിയില് പെട്ടതിനെ തുടര്ന്ന് 12 യാത്രക്കാര്ക്ക് പരുക്കേറ്റു. ഫുക്കറ്റ്-ഡല്ഹി വിമാനമാണ് ആകാശച്ചുഴിയില് പെട്ടത്. വിമാനം ലാന്ഡ് ചെയ്തയുടനെ പരുക്കേറ്റവരെ വിമാനത്താവള ആശുപത്രിയിലേക്ക് മാറ്റി. ഇവരുടെ പരുക്ക് ഗുരുതരമല്ലെന്നാണ് റിപ്പോര്ട്ട്. ഇതുമായി ബന്ധപ്പെട്ട് എയര് ഇന്ത്യ ഔദ്യോഗിക പ്രസ്താവന പുറത്തിറക്കികയും ചെയ്തിട്ടുണ്ട്.
വിമാനം ലാന്ഡ് ചെയ്ത ഉടന് യാത്രക്കാര്ക്ക് വേണ്ട ചികിത്സ ലഭ്യമാക്കിയെന്ന് കമ്പനി അറിയിച്ചു. യാത്രക്കാരുടെ സുരക്ഷക്കാണ് ഞങ്ങള് പ്രഥമ പരിഗണന നല്കുന്നത്. അവര്ക്ക് എല്ലാ പിന്തുണയും നല്കും. പൂര്ണമായും അന്വേഷണങ്ങളോട് സഹകരിക്കുകയും ചെയ്യുമെന്ന് എയര് ഇന്ത്യ അറിയിച്ചു. സംഭവത്തെ തുടര്ന്ന് വിമാനത്തിന്റെ കാബിനുള്ളില് വിള്ളലുകള് രൂപപ്പെട്ടിട്ടുണ്ട്.
യാത്ര തുടങ്ങി ഒന്നരമണിക്കൂറിന് ശേഷമാണ് സംഭവമുണ്ടായതെന്ന് യാത്രക്കാര് പ്രതികരിച്ചു. വിമാനം ആകാശച്ചുഴിയില് പെടുന്ന സമയത്ത് ഭൂരിഭാഗം യാത്രക്കാരും ഉറക്കത്തിലായിരുന്നു. വിമാനത്തിലെ ഭൂരിപക്ഷം യാത്രക്കാരേയും ആകാശച്ചുഴി ബാധിച്ചു. സംഭവത്തില് എയര് ഇന്ത്യക്കെതിരെ നിയമനടപടി സ്വീകരിക്കുമെന്ന് വിമാനത്തിലെ യാത്രക്കാര് പ്രതികരിച്ചു.
SUMMARY: Air India flight hits air pocket; 12 injured
