ബെംഗളൂരു: ഭർത്താവിന്റെ അസുഖവും ജോലിസമ്മർദ്ദവും മൂലം അധ്യാപിക സ്വയം വെടിവെച്ചു ജീവനൊടുക്കി. കുടക് ജില്ലയിലെ വാഗമണ്ഡല ചേരമ്പാനെ ജി എം പി സ്കൂൾ അധ്യാപികയായിരുന്ന രോഹിണി എന്ന 51 കാരിയാണ് ജീവനൊടുക്കിയത്. ഇന്ന് പുലർച്ചെ അഞ്ചുമണിയോടെ ആണ് സംഭവം.
വീട്ടിനകത്ത് നിന്ന് ശബ്ദം കേട്ടതോടെ ഭർത്താവും മക്കളും ഗ്യാസ് സിലിണ്ടർ പൊട്ടിത്തെറിച്ചതായിരിക്കാം എന്ന് കരുതി തിരഞ്ഞപ്പോഴാണ് വെടിയേറ്റ് രോഹിണി സംഭവസ്ഥലത്ത് മരിച്ചതായി കണ്ടത്. സംഭവത്തിൽ ഭാഗമണ്ഡല പോലീസ് കേസെടുത്തു അന്വേഷണം ആരംഭിച്ചിട്ടുണ്ട്.
