ബെംഗളൂരു: സ്വാതന്ത്ര്യദിനത്തോടനുബന്ധിച്ച് തനിമ കലാസാഹിത്യവേദി ബെംഗളൂരു ചാപ്റ്ററിന്റെ ആഭിമുഖ്യത്തിൽ സംഘടിപ്പിക്കുന്ന ‘സുറോം കാ സഫർ’ സംഗീത പരിപാടിയുടെ ഔദ്യോഗിക ലോഞ്ചും ടിക്കറ്റ് വിൽപ്പന ഉദ്ഘാടനവും നടന്നു. തനിമ കലാസാഹിത്യവേദി കേരള രക്ഷാധികാരി എൻ.എം. അബ്ദുറഹ്മാൻ, മീഡിയവൺ ടിവി മാനേജിങ് എഡിറ്റർ സി. ദാവൂദ് എന്നിവർ ചേർന്നാണ് ടിക്കറ്റ് വിൽപ്പനയുടെ ഉദ്ഘാടനം നിർവഹിച്ചത്. ചടങ്ങിൽ ജെ.ഐ.എച്ച് ബെംഗളൂരു സിറ്റി പ്രസിഡന്റ് ഷമീർ ആർക്കിടെക്ട്, തനിമ ബെംഗളൂരു പ്രസിഡന്റ് ആസിഫ് മടിവാള, വിവിധ വകുപ്പ് സെക്രട്ടറിമാർ തുടങ്ങിയവർ പങ്കെടുത്തു.
ഓഗസ്റ്റ് 15 ന് വൈകുന്നേരം 7ന് എ.ഇ.സി.എസ് ലേഔട്ടിലുള്ള ഇ1 ബാങ്ക്വറ്റ്, എഡിഫിസ് വൺ’ ഹാളിൽ വെച്ചാണ് പരിപാടി അരങ്ങേറുന്നത്. ഗായകരായ ഫഹീദ് അലി, ഷമ്മസ് ഒളിയത്ത്, ലൈബി മാത്യു, ഹനിയ അസീസ് എന്നിവർ അണിനിരക്കുന്ന ഗാനസന്ധ്യയ്ക്ക് മോഹൻ അണിയരം (ഹാർമോണിയം), റോഷൻ ഹാരിസ് (തബല) എന്നിവർ പശ്ചാത്തല സംഗീതമൊരുക്കും. പ്രവേശനം ടിക്കറ്റ് മുഖേന മാത്രമായിരിക്കും.
പരിപാടിയുടെ കൂടുതൽ വിവരങ്ങൾക്കും ടിക്കറ്റ് ബുക്കിംഗിനുമായി 98804 37373 എന്ന നമ്പറിലോ, https://eventsbook.in/e/suron-ka-safar?v=7 എന്ന ലിങ്ക് വഴിയോ ബന്ധപ്പെടാവുന്നതാണെന്ന് തനിമ ഭാരവാഹികൾ അറിയിച്ചു.
SUMMARY: ‘Surom Ka Safar’ musical evening on August 15th
