ബെംഗളൂരു: ബെംഗളൂരു മംഗളൂരു വന്ദേഭാരത് സര്വീസ് ഉടൻ ആരംഭിക്കുമെന്ന് കേന്ദ്ര റെയിൽവേ മന്ത്രി അശ്വിനി വൈഷ്ണവ്. ബെംഗളൂരുവിൽ മാധ്യമങ്ങളോട് സംസാരിക്കുന്നു അദ്ദേഹം. ഹാസനും മംഗളൂരുവിനും ഇടയിലുള്ള പാതയില് വൈദ്യുതീകരണ ജോലികള് പൂര്ത്തിയായതായും അദ്ദേഹം പറഞ്ഞു.
കുത്തനെയുള്ള തീരദേശ ചരിവുകളിൽ സുരക്ഷ വർധിപ്പിക്കുന്നതിനായി ഓട്ടോമേറ്റഡ് എമർജൻസി ബ്രേക്കിംഗ് (എഇബി) സംവിധാനങ്ങളും സംയോജിപ്പിച്ചിട്ടുണ്ട്. വരും മാസങ്ങളിൽ ബെംഗളൂരു-മുംബൈ റൂട്ടില് രണ്ട് പുതിയ സർവീസുകൾ അവതരിപ്പിക്കുമെന്നും വൈഷ്ണവ് പ്രഖ്യാപിച്ചു, വന്ദേ ഭാരത് സ്ലീപ്പർ ട്രെയിനും ഹുബ്ബള്ളി വഴി എൽഎച്ച്ബി കോച്ചുകളുള്ള സൂപ്പർഫാസ്റ്റ് സർവീസും ഇതിൽ ഉൾപ്പെടുന്നു
നിലവിലുള്ള മംഗളൂരു-മഡ്ഗാവ് വന്ദേഭാരത് (സീറ്റർ) ട്രെയിനിന്റെ (20645/20646) തുടര്ച്ചയാകും ബെംഗളൂരു-മംഗളൂരു വന്ദേഭാരത് സർവീസ് എന്നാണു സൂചന. ബെംഗളൂരുവിൽ നിന്നും മഡ്ഗാവിൽ നിന്നും രാവിലെ പ്രത്യേക റേക്കുകൾ ഉപയോഗിച്ച് ട്രെയിൻ സർവീസ് നടത്താനുള്ള പദ്ധതിയും പരിഗണയില് ഉണ്ട്.
SUMMARY: Bengaluru-Mangalore Vande Bharat soon – Railway Minister Ashwini Vaishnav
