ബെംഗളൂരു: ബെംഗളൂരുവില്‍ പ്രധാനമന്ത്രി നരേന്ദ്ര മോദിയുടെ വാഹനവ്യൂഹം കടന്നുപോകേണ്ട വഴിക്കു സമീപത്തു നിന്നു 2 ജലറ്റിന്‍ സ്റ്റിക്കുകള്‍ ഉള്‍പ്പെട്ട ബാഗ് ഫുട്പാത്തില്‍ ഉപേക്ഷിക്കപ്പെട്ട നിലയില്‍ കണ്ടെത്തി. സംഭവത്തില്‍ ബെംഗളൂരു കോറമംഗലയില്‍ നിന്നും ഒരാളെ കസ്റ്റഡിയിലെടുത്തു ചോദ്യം ചെയ്തു വരുന്നു.
ഞായറാഴ്ച ആര്‍ട്ട് ഓഫ് ലിവിങ് രാജ്യാന്തര കേന്ദ്രത്തിലേക്കു മോദി എത്തുന്നതിനു മുന്നോടിയായി ഇതിനു സമീപത്തെ താത്താഗുനി അഗര തടാകത്തിനു സമീപം പോലീസ് നടത്തിയ പരിശോധനയിലാണു ബാഗ് കണ്ടെത്തിയത്. പരിപാടിയുടെ വേദിയില്‍ നിന്നു 3 കിലോമീറ്റര്‍ മാത്രം അകലെയാണിത്. സ്‌ഫോടകവസ്തുക്കള്‍ കണ്ടെത്തിയ ഉടന്‍ തന്നെ പ്രത്യേക സുരക്ഷാ സേനയും പോലീസും പ്രദേശം പൂര്‍ണ്ണമായും വളയുകയും ബോംബ് സ്‌ക്വാഡും ഫോറന്‍സിക് വിദഗ്ധരും സ്ഥലത്തെത്തി പരിശോധനകള്‍ പൂര്‍ത്തിയാക്കുകയും ചെയ്തു. ജലറ്റിന്‍ സ്റ്റിക്കുകള്‍ സുരക്ഷിതമായി നീക്കം ചെയ്തതായി ബെംഗളൂരു സെന്‍ട്രല്‍ റേഞ്ച് ഡി.ഐ.ജി അറിയിച്ചു.
SUMMARY: Water sticks on the road where Modi’s motorcade was supposed to pass; one person in custody
