ഹൈദരാബാദ്: തെലുങ്ക് നടനും പ്രശസ്ത ഡിജിറ്റല്‍ കണ്ടന്റ് ക്രിയേറ്ററുമായ കെ. ഭരത് കാന്ത് (31) കാറപകടത്തില്‍ അന്തരിച്ചു. ഹൈദരാബാദ് ഔട്ടർ റിങ് റോഡിലുണ്ടായ ദാരുണമായ അപകടത്തില്‍ ഭരത്തിനൊപ്പമുണ്ടായിരുന്ന സുഹൃത്തിനും ജീവൻ നഷ്ടമായി.
ഭരത് സഞ്ചരിച്ചിരുന്ന കാർ നിയന്ത്രണം നഷ്ടപ്പെട്ട് മുന്നിലുണ്ടായിരുന്ന കണ്ടെയ്‌നർ ലോറിയുടെ പിന്നില്‍ ഇടിക്കുകയായിരുന്നു. അപകടത്തിന്റെ ആഘാതത്തില്‍ കാർ പൂർണ്ണമായും തകർന്നു. ‘ടെനന്റ്’ , ‘ഗ്രാമം’ തുടങ്ങിയ തെലുങ്ക് ചിത്രങ്ങളിലൂടെയും വിവിധ വെബ് സീരീസുകളിലൂടെയും ശ്രദ്ധേയനായിരുന്നു ഭരത് കാന്ത്. അഭിനയത്തിന് പുറമെ സോഷ്യല്‍ മീഡിയയിലും സജീവമായിരുന്ന ഇദ്ദേഹത്തിന് ഇൻസ്റ്റഗ്രാമില്‍ 40,000-ത്തോളം ഫോളോവേഴ്‌സും യൂട്യൂബില്‍ വലിയൊരു സബ്സ്ക്രൈബർ നിരയുമുണ്ട്.
SUMMARY: Actor and dancer Bharat Kant dies in car accident
