ചെന്നൈ: തമിഴ്‌നാട് നിയമസഭയുടെ അധ്യക്ഷസ്ഥാനത്തേക്ക് പരിചയസമ്പന്നനായ ജെ.സി.ഡി. പ്രഭാകറിനെ എത്തിക്കാൻ മുഖ്യമന്ത്രി വിജയ് തീരുമാനിച്ചു. ഇന്നു രാവിലെ നിയമസഭാ സെക്രട്ടറിക്ക് അദ്ദേഹം നാമനിർദ്ദേശ പത്രിക കൈമാറി. 73-കാരനായ പ്രഭാകർ, എഐഎഡിഎംകെയിലൂടെ രാഷ്ട്രീയത്തിലെത്തുകയും 1980-ല്‍ തന്റെ 28-ാം വയസ്സില്‍ വില്ലിവാക്കം മണ്ഡലത്തില്‍ നിന്ന് എംഎല്‍എയായി സഭയിലെത്തുകയും ചെയ്ത വ്യക്തിയാണ്.
മുൻ മുഖ്യമന്ത്രി ഒ. പനീർസെല്‍വത്തിന്റെ വിശ്വസ്തനായിരുന്ന അദ്ദേഹം. 2026 ജനുവരിയിലാണ് വിജയ്‌യുടെ പാർട്ടിയില്‍ ചേർന്നത്. ഇക്കഴിഞ്ഞ നിയമസഭാ തിരഞ്ഞെടുപ്പില്‍ ഡിഎംകെയുടെ എഴിലൻ നാഗനാഥനെ പരാജയപ്പെടുത്തിയാണ് അദ്ദേഹം തൗസൻഡ് ലൈറ്റ്‌സ് മണ്ഡലത്തില്‍ നിന്ന് വിജയിച്ചത്. പ്രതിപക്ഷ നിരയില്‍ ഉദയനിധി സ്റ്റാലിനെപ്പോലുള്ള നേതാക്കള്‍ അണിനിരക്കുമ്പോള്‍ സഭാ നടപടികള്‍ പക്വതയോടെ നിയന്ത്രിക്കാൻ പ്രഭാകറിനാകുമെന്നാണ് വിജയ് സർക്കാരിന്റെ കണക്കുകൂട്ടല്‍.
SUMMARY: JCD Prabhakar is the TVK’s speaker candidate
