തിരുവനന്തപുരം: ആലപ്പുഴയില് നവകേരള യാത്രയ്ക്കിടെ യൂത്ത് കോണ്ഗ്രസ് പ്രവര്ത്തകരെ മര്ദ്ദിച്ച സംഭവത്തില് മുന് മുഖ്യമന്ത്രി പിണറായി വിജയന്റെ ഗണ്മാന് അടക്കം അഞ്ച് പേര് പ്രതികള്. മുഖ്യമന്ത്രിയുടെ ഗണ്മാന് അനില്കുമാര്, സന്ദീപ്, അരുണ്, വിപിന്, ഷൈജു എന്നിവരെയാണ് പ്രത്യേക അന്വേഷണ സംഘം (എസ്ഐടി) പ്രതി ചേര്ത്തത്. ഇത് സംബന്ധിച്ച റിപ്പോര്ട്ട് എസ്ഐടി ആലപ്പുഴ മജിസ്ട്രേറ്റ് കോടതിയില് സമര്പ്പിച്ചു.
ഗൺമാൻമാർക്കെതിരെ വകുപ്പ് ചുമത്തിയിട്ടില്ല. ഇവർ കുറ്റക്കാരാണെന്ന് കണ്ടെത്തിയാണ് റിപ്പോർട്ട് നൽകിയിരിക്കുന്നത്. ഈ അഞ്ച് പേർക്കുമെതിരെ വകുപ്പുതല നടപടി ശിപാർശ ഉടൻ ഡിജിപിക്ക് കൈമാറും.
ലോക്കൽ പോലീസ് തടഞ്ഞുവച്ചിട്ടും യൂത്ത് കോൺഗ്രസുകാരുടെ തലക്കടിച്ചുവെന്ന് റിപ്പോർട്ടിൽ പറയുന്നു. ഗുരുതരചട്ടലംഘനം നടന്നെന്നാണ് കണ്ടെത്തൽ. അന്ന് ക്രമസമാധാന ചുമതലയുണ്ടായിരുന്ന എഡിജിപി എംആർ അജിത് കുമാറിനെതിരെ ഉദ്യോഗസ്ഥർ എസ്ഐടിക്ക് മുൻപിൽ മൊഴി നൽകിയിരുന്നു.
നവകേരള യാത്രയ്ക്കിടെ മുൻ മുഖ്യമന്ത്രി പിണറായി വിജയനെതിരെ കരിങ്കൊടി പ്രതിഷേധം നടത്തിയ യൂത്ത് കോൺഗ്രസ്, കെഎസ്യു പ്രവർത്തകരെ തല്ലിച്ചതച്ച കേസിൽ ഗൺമാന്മാരെ രക്ഷിക്കാൻ അന്ന് ക്രമസമാധാന ചുമതലയുണ്ടായിരുന്ന എഡിജിപി എം.ആർ. അജിത് കുമാർ നേരിട്ട് ഇടപെട്ടതായാണ് ഉദ്യോഗസ്ഥരുടെ മൊഴികൾ. തിരുവന്തപുരത്ത് വിളിച്ചുവരുത്തി കേസ് ഡയറി തിരുത്തിച്ചു എന്നാണ് മൊഴി.
അതിനിടെ പ്രതി ചേര്ത്തതിന് പിന്നാലെ അനിലും സന്ദീപും മുന്കൂര് ജാമ്യം തേടി ആലപ്പുഴ ജില്ലാ സെഷന്സ് കോടതിയെ സമീപിച്ചു. കേസില് 309 (വധശ്രമം) അടക്കമുള്ള വകുപ്പുകള് ചുമത്താന് ഇരിക്കയാണ് നീക്കം. നേരത്തെ ജാമ്യമില്ലാ വകുപ്പുകള് മാത്രമായിരുന്നു ചുമത്തിയത്. കേസ് ഈ മാസം 26ന് പരിഗണിക്കും. ജാമ്യാപേക്ഷയെ എതിര്ത്ത് ക്രൈംബ്രാഞ്ച് സംഘം റിപ്പോര്ട്ട് നല്കി.
SUMMARY: Rescue operation in Alappuzha; Five people, including former Chief Minister Pinarayi Vijayan’s gunman, arrested
