ബെംഗളൂരു: കേരളസമാജം വൈറ്റ്ഫീല്സ് സോണും വൈദേഹി മെഡിക്കല് കോളേജും സംയുക്തമായി മെഡിക്കല് ക്യാമ്പ് നടത്തി. ദോഡ്ഡബാനഹള്ളി വിന്ധ്യഗിരി അപ്പാര്ട്ട്മെന്റ് സമുച്ചയത്തില് നടന്ന ക്യാമ്പ് കേരള സമാജം പ്രസിഡണ്ട് ഹനീഫ് എം ഉദ്ഘാടനം ചെയ്തു.
സോണ് ചേയര്മാന് സുരേഷ് കുമാര് അദ്ധ്യക്ഷത വഹിച്ചു. ജോയന്റ് സെക്രട്ടറി അനില്കുമാര് ഒ.കെ, സോണ് കണ്വീനര് ജയകുമാര്, വിന്ധ്യഗിരി അപ്പാര്ട്ട്മെന്റ് പ്രസിഡണ്ട് തനുജ്, ഡോ. മേരി ഡിസൂസ എന്നിവര് സംസാരിച്ചു. എട്ട് മെഡിക്കല് ഡിപ്പാര്ട്ട്മെന്റുകളുടെ സേവനം ലഭ്യമാക്കിയ ക്യാമ്പിന് ശിവദാസ്, വിന്നി, സുജിത്, ജിതിന്, പ്രജിന്, സജിത്, പ്രിയദര്ശിനി, ജിതിന്, അനുമോഹന്, ഷെന്നി, ഷെമീന, പാര്വതി തുടങ്ങിയര് നേതൃത്വം നല്കി.
SUMMARY: Kerala Samajam organized a medical camp
