ബെംഗളൂരു: ബെംഗളൂരുവിലെ സ്വകാര്യ ആശുപത്രിയിൽ വൻ തീപ്പിടിത്തം. രോഗികളെയുൾപ്പടെ ഉടൻ ഒഴിപ്പിച്ചതിനാൽ വലിയ അപകടം ഒഴിവായി. എംഎസ് പാളയ ആവേക്ഷ ആശുപത്രിയിലാണ് തീപ്പിടുത്തമുണ്ടായത്. ഐസിയുവിൽ നിന്നുൾപ്പെടെ 21 രോഗികളെയാണു രക്ഷപ്പെടുത്തിയത്.
ഇന്നലെ പുലർച്ചെയായിരുന്നു തീപിടിത്തം. തീ മറ്റു ഭാഗങ്ങളിലേക്കു വ്യാപിക്കുന്നതിനു മുൻപ് അഗ്നിരക്ഷാ സേന എത്തി തീയണച്ചു. ആർക്കും പരുക്കില്ല. രോഗികളെ ഉടൻ ഒഴിപ്പിച്ച് വേറെ ആശുപത്രി യിലേക്ക് മാറ്റുകയായിരുന്നു. ആശുപത്രി പ്രവർത്തിക്കുന്ന കെട്ടിടത്തിൻ്റെ അടിഭാഗത്ത് കൂട്ടിയിട്ട ഇലക്ട്രിക്കൽ കേബിളിൽ തീപിടിച്ച് മുകളിലേക്ക് പടർന്നതാണെന്നാണു നിഗമനം.
SUMMARY: Fire breaks out at hospital; patients evacuated
