ബെംഗളൂരു: കലാവേദിയുടെ 59-ാമത് വാര്‍ഷികാഘോഷം മാറത്തഹള്ളി കലാഭവനില്‍ നടന്നു. നാടകാവതരണം അടക്കമുള്ള വിവിധ പരിപാടികള്‍ അരങ്ങേറി.
സമ്മേളനത്തിൽ കലാവേദി പ്രസിഡന്റ് രാധാകൃഷ്ണൻ ജെ.നായർ, ബിൽഡിങ്‌സ് കമ്മിറ്റി ചെയർമാൻ ടി.രമേഷ്, വൈസ് പ്രസിഡന്റ് കെ.പി. പത്മകുമാർ, ട്രഷറർ ടി.വി.നാരായണൻ, ജോയിന്റ് സെക്രട്ടറി അഡ്വ. സോണി സെബാസ്റ്റിയൻ എന്നിവർ പ്രസംഗിച്ചു.
മോസ്കോ രാജ്യാന്തര ചലച്ചിത്രമേളയിൽ വിവിധ പുരസ്കാരങ്ങൾ നേടിയ ‘മോഹം’ സിനിമയുടെ നിർമാതാവ് റസാഖ് അഹമ്മദിനെ ആദരിച്ചു. പയ്യന്നൂർ കലയുടെ ‘ഉറുമാല് കെട്ടിയ ചൈത്രമാസം’ എന്ന നാടകം അവതരിപ്പിച്ചു.
SUMMARY: Kalavedi’s 59th anniversary celebration
