കൊച്ചി: ആലുവ തുരുത്ത് കുണ്ടൂർ തോടിന് സമീപം പുഴയോരത്ത് പുലിയെ കണ്ടതായി നാട്ടുകാർ. തുരുത്ത് കൊമ്പത്ത് അയ്യപ്പൻകുട്ടിയുടെ പറമ്പിന് സമീപമുള്ള പള്ളത്താണ് പുലിയെ രാവിലെ എട്ടോട് കൂടി കണ്ടത്. രാവിലെ വീട്ടിലിരുന്ന് പത്രം വായിക്കുകയായിരുന്ന അയ്യപ്പൻകുട്ടി പുലിയുടേതു പോലുള്ള അലർച്ച കേട്ട് വീട്ടിൽ നിന്നും പുറത്തിറങ്ങി നോക്കിയപ്പോഴാണ് വീടിൻ്റെ പറമ്പിൻറെ പിന്നാമ്പുറത്ത് പുലിയെ കാണാനിടയായത്. ഉടനെ അയൽവാസി അലിക്കുഞ്ഞിനെ വിളിച്ച് എത്തിയപ്പോഴേക്കും പുലി കടന്നുകളഞ്ഞു.
വിവരം അറിയിച്ചതിനെ തുടർന്ന് ഫോറസ്റ്റ് അധികൃതർ എത്തി പരിശോധനകൾ നടത്തി വന്യജീവിയുടെ കാല്പ്പാടുകള് കണ്ടെത്തുകയും ചെയ്തു. എന്നാല്, ഇത് പുലിയുടേതാണോ എന്ന് സ്ഥിരീകരിച്ചിട്ടില്ല.
പ്രദേശത്ത് നിരീക്ഷണം ശക്തമാക്കുന്നതിനായി ഉടൻ തന്നെ സിസിടിവി കാമറകൾ (Camera Traps) സ്ഥാപിക്കുമെന്ന് ഫോറസ്റ്റ് അധികൃതർ നാട്ടുകാർക്ക് ഉറപ്പുനൽകി. രാത്രികാലങ്ങളിൽ പൊതുജനങ്ങൾ ജാഗ്രത പാലിക്കണമെന്നും നിർദ്ദേശമുണ്ട്.
SUMMARY: Locals reported seeing a leopard in Aluva; Forest Department conducted an inspection
