തിരുവനന്തപുരം: പ്രമുഖ മാധ്യമപ്രവര്ത്തകന് എന്.ആര്.എസ് ബാബു (84) അന്തരിച്ചു. പട്ടം വൃന്ദാവന് ഗാര്ഡനിലെ വസതിയില് വച്ചായിരുന്നു അന്ത്യം. വാര്ധക്യസഹജമായ അസുഖങ്ങളെ തുടര്ന്ന് ചികിത്സയിലായിരുന്നു.
തിരുവനന്തപുരം പ്രസ്ക്ലബിന്റെ ഹോണററി അംഗംവും ഇന്സ്റ്റിറ്റ്യൂട്ട് ഓഫ് ജേണലിസം മുന് ഡയറക്ടറുമായിരുന്നു. ദേശാഭിമാനി കൺസൾട്ടന്റ് എഡിറ്റർ ആയിരുന്നു. കേരളത്തിലെ ആദ്യത്തെ സോഫ്റ്റ്വെയര് മള്ട്ടിമീഡിയ സ്ഥാപനങ്ങളിലൊന്നായ ഇന്വിസ് മള്ട്ടിമീഡിയ ഫൗണ്ടര്ചെയര്മാനാണ്.
കേരളത്തിന്റെ രാഷ്ട്രീയ-സാമൂഹിക-സാംസ്കാരിക രംഗത്ത് നവഭാവുകത്വത്തിന് വഴിതെളിച്ച കലാകൗമുദി വാരികയുടെ എഡിറ്ററും കേരളകൗമുദി ദിനപത്രത്തിൻ്റെ ഡെപ്യൂട്ടി എഡിറ്ററുമായിരുന്നു. എന്എസ്ആറിന്റെ നിരവധി റിപ്പോര്ട്ടുകള് ശ്രദ്ധേയമാണ്. ജല അതോറിറ്റി കുംഭകോണം, സെക്രട്ടറിയേറ്റ് ഫയൽ കുംഭകോണം തുടങ്ങിയവ പുറത്തുകൊണ്ടുവന്നതിൽ പ്രധാന പങ്കു വഹിച്ചത് അദ്ദേഹമായിരുന്നു. മാധ്യമ രംഗത്തെ അദ്ദേഹത്തിന്റെ സമഗ്ര സംഭാവനകള് പരിഗണിച്ച് നിരവധി അവാര്ഡുകളും അദ്ദേഹത്തെ തേടിയെത്തിയിട്ടുണ്ട്. ബോധി കൾച്ചറൽ ആൻഡ് ചാരിറ്റബിൾ ട്രസ്റ്റ് പുരസ്കാരം, എസ് ജയചന്ദ്രൻ നായർ സ്മാരക പ്രഥമപുരസ്കാരം, ശിവറാം പുരസ്കാരം, സംസ്ഥാന സർക്കാർ പുരസ്കാരം, ഐ വി ദേവദാസ് പുരസ്കാരം എന്നിവ ലഭിച്ചിട്ടുണ്ട്.
SUMMARY: Veteran journalist NRS Babu passes away
