മയാമി: ഫിഫ ലോകകപ്പിൽ കരുത്തരായ യുറഗ്വായ്യെ സമനിലയിൽ തളച്ച് കേപ് വെർദെ. ഇരുടീമുകളും രണ്ട് ഗോൾവീതമടിച്ച് സമനിലയിൽ പിരിഞ്ഞു. ആദ്യ മത്സരത്തിൽ സ്പപെയിനിനെ കേപ് വെർദെ ഗോർരഹിത സമനിലയിൽ തളച്ചിരുന്നു.
മത്സരത്തിൽ മികച്ച മുന്നേറ്റങ്ങളുമായി യുറഗ്വായ്യെ വിറപ്പിച്ചാണ് കേപ് വെർദെ. 21-ാം മിനിറ്റിൽ യുറഗ്വായ്യെ ഞെട്ടിച്ച് കേപ് വെർദെ ലീഡെടുത്തു. ഫ്രീകിക്ക് മികച്ച ഷോട്ടിലൂടെ ലക്ഷ്യത്തിലെത്തിച്ച് കെവിൻ പീന ടീമിന് ചരിത്രഗോൾ സമ്മാനിച്ചു. കേപ് വെർദെയുടെ ആദ്യ ലോകകപ്പ് ഗോൾ. 43-ാം മിനിറ്റിൽ യുറഗ്വായ് ഗോൾ മടക്കി. ഇടതു വിങ്ങിൽ നിന്ന് ഉയർത്തി നൽകിയ പന്ത് യുറഗ്വായ് താരം സെബാസ്റ്റ്യൻ കാസെറെസ് പോസ്റ്റിലേക്ക് ഹെഡ് ചെയ്തെങ്കിലും ഗോൾ കീപ്പർ വൊസീഞ്ഞയുടെ ദേഹത്ത് തട്ടി റീബൗണ്ട് ചെയ്തു. ഈ അവസരം മുതലാക്കിയ മാക്സി അരൗജോ ലോവർ ഹെഡ് കൊണ്ട് പന്ത് അനായാസം വലയിലാക്കി. ആദ്യപകുതിയുടെ ഇഞ്ച്വറി ടൈമിൽ അഗസ്റ്റിൻ കനോബിയോ (45+6) യുറഗ്വായ് ടീമിന് നിർണായക ലീഡ് സമ്മാനിച്ചു. സ്കോർ യുറഗ്വായ് – കേപ് വെർദെ. 1.
രണ്ടാം പകുതിയിലും യുറഗ്വായ് ആക്രമണം കടുപ്പിച്ചെങ്കിലും എതിരാളികളുടെ പ്രതിരോധം ഉറച്ചതായിരുന്നു മുൻ ചാമ്പ്യന്മാർ പ്രതിരോധിക്കാൻ ബുദ്ധിമുട്ടി. പകരക്കാരെ കളത്തിലിറക്കി കേപ് വെർദെ ഉണർന്നുകളിച്ചു. അതിന് പിന്നാലെ കേപ് വെർദെ രണ്ടാം ഗോളുമടിച്ചു. യുറഗ്വായ് പ്രതിരോധത്തിന്റെ പിഴവിൽ കേപ് വെർദെയുടെ ഹെലിയോ വരേല പോസ്റ്റിലേക്ക് ഷോട്ടുതിർത്തു. ഇതോടെ കേപ് വെർദെ സമനിലപിടിച്ചു. സ്കോർ 2-2. പിന്നീടുള്ള 29 മിനിറ്റുകളിൽ വിജയഗോൾ നേടാൻ ഇരു ടീമുകളും അധ്വാനിച്ച് കളിച്ചെങ്കിലും നിരാശയായിരുന്നു ഫലം.
മൂന്ന് ലോകകപ്പുകൾ സ്വന്തമാക്കിയ യുറുഗ്വേക്ക് എതിരെ നേടിയ ഈ സമനില പോലും കാബോ വെർഡെ എന്ന പുതുമോടിക്കാർക്ക് ചരിത്രവിജയമായി കണക്കിലെടുക്കാം. രണ്ട് സമനില മാത്രം നേടിയ യുറുഗ്വെയ്ക്ക് അവസാന മത്സരത്തിൽ സ്പെയിനാണ് എതിരാളികൾ. കേപ് വെർദെ സൗദി അറേബ്യയേയും നേരിടും. 27ന് രാവിലെ 5.30നാണ് രണ്ട് മത്സരങ്ങളും നടക്കുക.
SUMMARY: Cape Verde draws with Uruguay after Spain
