ബെംഗളൂരു: ഭിന്നശേഷിക്കാരനായ മലയാളി യുവാവ് മുച്ചക്ര സ്കൂട്ടറിൽ സഞ്ചരിക്കവേ കാറിടിച്ചുമരിച്ചു. തൃശ്ശൂർ ചാവക്കാട് ഇരട്ടപ്പുഴ കോളനിപ്പടിക്കടുത്ത് തെക്കൻ ഹനീഫയുടെയും നിഷയുടെയും മകൻ അബ്ദുല്ല(25)യാണ് മരിച്ചത്. ബെംഗളൂരുവിലെ ബി.ടി.എം. ലേ ഔട്ടിൽ ഇന്നലെ രാത്രി ഒൻപത് മണിയോടെയായിരുന്നു അപകടം. അബ്ദുല്ലയെ ഗുരുതര പരുക്കുകളോടെ സ്വകാര്യാശുപത്രിയിൽ പ്രവേശിപ്പിച്ചെങ്കിലും ഞായറാഴ്ച പുലർച്ചെ മരിച്ചു. ബെംഗളൂരുവിൽ ഐടി കമ്പനിയിൽ ജോലി ചെയ്യുകയായിരുന്നു.
മൃതദേഹം പോസ്റ്റ്മോർട്ടത്തിനുശേഷം നാട്ടിലേക്ക് കൊണ്ടു പോയി. കബറടക്കം ഇന്ന് 9ന് ബ്ലാങ്ങാട് കാട്ടിൽ ജുമാഅത്ത് പള്ളി കബർസ്ഥാനിൽ. സഹോദരങ്ങൾ: മുഹമ്മദ് ആസിഫ്, ആമിന, ഉമർ മുഖ്താർ.
SUMMARY: A disabled Malayali youth died after being hit by a car while riding a three-wheeled scooter.
