വി​നോ​ദ​യാ​ത്ര​യ്ക്കി​ടെ അ​പ​ക​ടം; ഹാൻഡ് ബ്രേക്ക് മാറി വാഹനം ഉരുണ്ടു മൂന്ന് വയസ്സുകാരിക്ക് ദാരുണാന്ത്യം

അ​മ്പൂ​രി: വി​നോ​ദ​യാ​ത്ര​യ്ക്കി​ടെ​യു​ണ്ടാ​യ അ​പ​ക​ട​ത്തി​ൽ മൂ​ന്ന് വ​യ​സു​കാ​രി​ക്ക് ദാ​രു​ണാ​ന്ത്യം. കാ​ട്ടാ​ക്ക​ട കൊ​റ്റം​മ്പ​ള്ളി സ്വ​ദേ​ശി​ക​ളാ​യ അ​നു പ്ര​സാ​ദ് – നി​സ ദ​മ്പ​തി​ക​ളു​ടെ മ​ക​ൾ ഋ​ഗ്വേ​ദ​യാ​ണ് മ​രി​ച്ച​ത്. അ​മ്പൂ​രി കു​റി​ച്ചി​ക്കാ​ട് പാ​ല​ത്തി​ന് സ​മീ​പം നി​ർ​ത്തി​യി​ട്ടി​രു​ന്ന ടെ​മ്പോ ട്രാ​വ​ല​ർ മു​ന്നോ​ട്ട് നീ​ങ്ങി കു​ട്ടി​യു​ടെ ദേ​ഹ​ത്തു​കൂ​ടി ക​യ​റി​യി​റ​ങ്ങു​ക​യാ​യി​രു​ന്നു.

മൂ​ന്ന് കു​ടും​ബ​ങ്ങ​ൾ ഒ​ന്നി​ച്ച് വി​നോ​ദ​സ​ഞ്ചാ​ര​ത്തി​ന് എ​ത്തി​യ​താ​യി​രു​ന്നു. പാ​ല​ത്തി​ന് സ​മീ​പം വാ​ഹ​നം നി​ർ​ത്തി​യ ശേ​ഷം പു​റ​ത്തി​റ​ങ്ങി നി​ൽ​ക്കു​ന്ന​തി​നി​ടെ വാ​ഹ​ന​ത്തി​ന്‍റെ ഹാ​ൻ​ഡ് ബ്രേ​ക്ക് അ​ബ​ദ്ധ​ത്തി​ൽ റി​ലീ​സാ​യി മു​ന്നോ​ട്ട് ഉ​രു​ളു​ക​യാ​യി​രു​ന്നു​വെ​ന്നാ​ണ് വി​വ​രം. നി​യ​ന്ത്ര​ണം​വി​ട്ട വാ​ഹ​നം സ​മീ​പ​ത്തു​ണ്ടാ​യി​രു​ന്ന കു​ഞ്ഞി​ന്‍റെ ദേ​ഹ​ത്തേ​ക്ക് ക​യ​റു​ക​യാ​യി​രു​ന്നു. അപകടത്തിൽ ഗുരുതരമായി പരിക്കേറ്റ കുഞ്ഞിനെ ഉടൻ തന്നെ കാട്ടാക്കട നെയ്യാർ മെഡിസിറ്റി ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സംഭവത്തിൽ നെയ്യാർ ഡാം പോലീസ് കേസ് എടുത്തു.
SUMMARY: Accident during a tourist trip; Three-year-old girl dies after vehicle rolls over due to handbrake failure