ബെംഗളൂരു: മലയാളം മിഷൻ നടത്തുന്ന കേരളത്തിലെ പത്താം ക്ലാസിനു തത്തുല്യമായ കോഴ്സായായ നീലക്കുറിഞ്ഞി പരീക്ഷയില് കർണാടക ചാപ്റ്ററിൽ നിന്ന് ഇത്തവണ ഏഴ് പേർ പരീക്ഷ എഴുതി. വിമാനപുര കൈരളി നിലയം സെൻട്രൽ സ്കൂളിലാണ് പരീക്ഷ നടത്തിയത്. കർണാടക ചാപ്റ്ററിൽനിന്നുള്ള വിദ്യാർഥികളെ കൂടാതെ ഗോവ ചാപ്റ്ററിൽനിന്നുള്ള മൂന്ന് പേരും പരീക്ഷ എഴുതി.10 വർഷം പഠനം പൂർത്തിയാക്കിയ 10 വിദ്യാർഥികളാണ് ഇത്തവണ പരീക്ഷ എഴുതിയത്. കേരള പൊതുവിദ്യാഭ്യാസ വകുപ്പിന്റെ നേതൃത്വത്തിലാണ് പരീക്ഷ നടത്തിയത്. ഇൻവിജിലേറ്റർ അടക്കം പരീക്ഷാ കേന്ദ്രത്തിലെ നടപടികൾ നിയന്ത്രിച്ചത് മലയാളം മിഷൻ പ്രവർത്തകരായിരുന്നു.
അവസാന വർഷ ഡിഗ്രി വിദ്യാർഥിയായ ദിയ സായിലാൽ, പ്ലസ് ടു വിദ്യാർഥിയായ തെരേസ് മരിയ തോമസ് എന്നിവർ മൈസൂരു സുധ സ്റ്റഡി സെന്ററിൽ നിന്നാണ് പരീക്ഷ എഴുത്താനെത്തിയ്. അന്നമോൾ ആന്റണി, പി.ഹൃതിക, മെഹ്റീൻ കാപ്പൻ, നബീഹ കാപ്പൻ, ലിയോ വിൽസൻ എന്നിവർ ബെംഗളൂരുവിലെ വിവിധ പഠന കേന്ദ്രങ്ങളിൽ നിന്നെത്തി പരീക്ഷ എഴുതി. അമൃത തജീഷ്, എൽ.എസ്. അരുണിമ, യു. വിസ്മയ എന്നിവരാണ് ഗോവ ചാപ്റ്ററിൽ നിന്നെത്തിയത്.
കർണാടക ചാപ്റ്ററിൽ രണ്ടാമത്തെ തവണയാണ് നീലക്കുറിഞ്ഞി പരീക്ഷ നടത്തുന്നത്. കഴിഞ്ഞ വർഷം ജൂണിലാണ് ആദ്യമായി പരീക്ഷ നടത്തിയത്. അതിൽ 13 വിദ്യാർഥികൾ പരീക്ഷ എഴുതി. എല്ലാവരും വിജയിച്ചിരുന്നു.
മലയാളം മിഷൻ കർണാടക ചാപ്റ്റർ പ്രസിഡന്റ് കെ. ദാമോദരൻ, സെക്രട്ടറി ഹിത വേണുഗോപാലൻ, ജോയിന്റ് സെക്രട്ടറിമാരായ ജിസോ ജോസ്, അഡ്വ. ബുഷ്റ വളപ്പിൽ, അക്കാദമിക് കോ ഓർഡിനേറ്റർ മീര നാരായണൻ, മേഖലാ കോ ഓർഡിനേറ്റർമാരായ നൂർ മുഹമ്മദ്, പ്രദീപ് മാരിയിൽ, ബിന്ദു ഗോപാലകൃഷ്ണൻ തുടങ്ങിയവർ നേതൃത്വം നൽകി.
SUMMARY: Neelakurinji exam; This time, 10 students who have completed 10 years of study passed the exam
