ബെംഗളൂരു: മലയാളം മിഷൻ സംഘടിപ്പിച്ച ഏകദിന അധ്യാപക പരിശീലനം സമാപിച്ചു. റിച്ച്മണ്ട് റോഡിലുള്ള സെന്റ് ഗ്രിഗോറിയോസ് ഓർത്തഡോക്സ് പള്ളിയിൽ നടന്ന പരിപാടി റവ. ഫാ. ജേക്കബും റവ. ഫാ. ജെയ്സണും ചേർന്ന് ഉദ്ഘാടനം ചെയ്തു. തുടർന്ന് നടന്ന പരിശീലനത്തിൽ അറുപതോളം അധ്യാപകർ പങ്കെടുത്തു. ചാപ്റ്റർ ഭാരവാഹികളും മേഖലാ കോർഡിനേറ്റർമാരും പരിപാടിയിൽ സജീവമായി പങ്കാളികളായി.
നീലക്കുറിഞ്ഞി, കണിക്കൊന്ന, സൂര്യകാന്തി എന്നീ കോഴ്‌സുകൾക്കായുള്ള അധ്യാപക പരിശീലനമാണ് സംഘടിപ്പിച്ചത്.
മലയാളം മിഷന്റെ പാഠപുസ്തക സമിതി അംഗങ്ങളും മുതിർന്ന അധ്യാപക പരിശീലകരുമായ ശ്രീ. കേശവനും ശ്രീ. കുഞ്ഞികൃഷ്ണനും ക്ലാസുകൾ നയിച്ചു. പാഠ്യപദ്ധതി, അധ്യാപനരീതികൾ, പഠനസാമഗ്രികളുടെ ഫലപ്രദമായ ഉപയോഗം എന്നിവയെ ആസ്പദമാക്കിയായിരുന്നു പരിശീലനം.
പരിശീലന പരിപാടി അധ്യാപകർക്ക് ഏറെ പ്രയോജനപ്രദമായ അനുഭവമായി മാറുറിയതായും പുതിയ അധ്യയന വർഷത്തിലെ പഠനപ്രവർത്തനങ്ങൾക്ക് കൂടുതൽ ആത്മവിശ്വാസം പകര്‍ന്നതായും ഭാരവാഹികള്‍ പറഞ്ഞു.
SUMMARY: Malayalam Mission Teacher Training
