ബെംഗളൂരു: ആയുഷ് മാൻ ആയുർവേദയും സമന്വയ ചാരിറ്റബിൾ ട്രസ്റ്റും സംയുക്തമായി ആയുർവേദത്തിന്റെ പ്രസക്തിയും കർക്കിടകമാസ ചികിത്സാ രീതി (ആയുർവേദത്തിൽ) എന്ന വിഷയത്തിൽ ആരോഗ്യ ബോധവത്കരണ ക്ലാസ് സംഘടിപ്പിച്ചു.
കല്യാൺ നഗർ തത്ത്വമസി ഹാളിൽ നടന്ന ക്ലാസ് അഡ്വ. തങ്കപ്പൻ ഉദ്ഘാടനം ചെയ്തു. ആയുഷ്മാൻ ആയുർവേദയിലെ ഡോ. നീതു ക്ലാസ് എടുത്തു. സമന്വയ പ്രസിഡണ്ട് രാമദാസനുണ്ണി അധ്യക്ഷത വഹിച്ചു. സമന്വയ സെട്രൽ കമ്മറ്റി വൈസ് പ്രസിഡണ്ട് ഡോ. നരായണ പ്രസാദ്, ആയുഷ്മാൻ സെയിൽസ് ആന്റ് മാർക്കറ്റിങ്ങ് ഹെഡ് രാധാകൃഷ്ണൻ പി.നായർ, കേരളസമാജം ജോയിന്റ് സെക്രട്ടറി ജി. വിനു എന്നിവര് പങ്കെടുത്തു.
